نیکرو سیاست، اِستانی بیانیہ ءُ بلوچ ءِ چُکچینی

سیاستءِ مکسد ءُ مانا پہ وتی نَپ ءُ پائیدگانی ھاترءَ چیزے کنگ۔ ھمے ھسابءَ سیاستءِ تہءَ ھاسیں سیاسی لیکہ ءُ گالبند ھم وتی تہءَجتائیں مانا ءُ مکسد دار اَنت۔ سال 2003 ءَ اچیل ایمبیمبی”نیکرو سیاست”ءِ گالبند ءَ ھمے نام ءِ پٹ ءُ پولی نبشتانکے ءِ تہءَ کارمرز کنت۔اے گالبند چہ دو گال “نیکروبزانکہ ‘مرگ’ ءُ سیاست بزانکہ ‘راجکاری’ ءَ چہ جوڑ بیت کہ ایشی ءِ بزانت “مرگ ءِ سیاست” اِنت۔اچیل ایمبیمبی ءِ رِدءَ نیکرو سیاست ءَ زورگر ھما وھد ءَ کارمرز کنت وھدے آ ایردستیں راجے ءِ سرءَ وتی واک ءَ برجم دارگ بہ لوٹ ایت ءُ آیاں پہ وتی نپ ءُ پائیدگانی ھاتر ءَ کارمرز کنگ بہ لوٹ اِیت