پاکستان نا سیاسی ساڑی حالیت

ہرا ہم  ملک نا زرگزرانی، سیاسی، چاگڑدی و زانشتی دیمروی کن اسہ جوانو سیاسی حالیت اس درکار ءِ۔ ملک امر و ہرا وڑ دننگہ، دیمروی و گچینی ہتنگ کن جہد کننگ، ملکی زرگزرانی خیال، و گچین ءُ سیاسی و زرگزرانی چاگڑد نا ہتنگ نا ذمہ واری اسہ گچین ءُ سیاسی راہبند ئسے نا کاریم ءِ۔ ہرا ہم ملک ٹی سیاسی سوگوی، و سوگوْ آ سیاست مف گڑا او ملک نا ہچ ادارہ اس جوانو وڑ اسیٹ ہننگ کپک۔ پاکستان نا زرگزرانی ڈول و اونا سیاسی سوگوی دا وخت ئٹ بھاز بد حالیت ءِ۔ جہان ٹی وخت اس ملکی ووٹ مریک و ووٹ ءِ اسہ پارٹی کٹیک و مونا بریک و حاکمی کیک گڑا ارٹمی ووٹ آن بائفوک پارٹی تینا بائفنگ ءِ منک و بروکا وخت کن تینے جُوان کننگ نا جہد کیک ولے پاکستان ٹی دُن افک، ہرا وخت کہ ووٹ مریک گڑا بائفوک پارٹی ووٹ کٹوک ئنگا پارٹی ءِ دھاندلی نا دوبہ خلیک و سرکار نا خلاف برانز کیک، روانک و مچی کننگ ءِ بنا کیک، دانا سوب پاکستان ئٹی ہچ وخت اس ہم سیاسی سوبری بتنے۔ 

………..نوشتانکءِ پورو خواننگ نا خاطر آن پی ڈی ایف ءِ پچ کبو