27 مارچ پہ بلوچ راجءَ سیاھیں روچ

باھڑ بلوچ

27 مارچ ھما روچ اِنت کہ چہ بلوچءَ آئیءِ استانی وتواجھی پَچگِرگ بیت ءُ زورانسری بلوچءِ سرڈگار تاکت ءِ زور ءَ ایردست کنگ بیت ایردستی ءِ ھوپ ءَ بلوچ ءِ مڈیانی لُٹ ءُ پلءَ بگر دانکہ آئی ءِ چُکچینی،ربیدگانی پروشگ ءُ آیانی جاگہ وتی جوڑ کرتگیں ربیدگانی سرا مُشگ بندات بیت۔ اِشانی دروراں ما لُٹ ءُ پُلی پروجیکٹانی دروشمءَ دیست کُت کنیں چوشکہ کوہء سلیمانءِ دمگ ءَ سوئی گیس ءِ کشگ بہ بیت یا کہ یورینم ءُ کوئلہءِ یا کہ دومی دیمءَ جھالاوانءِ دمگءَ سیندک ءُ ریکوڈک بہ بنت یا سنگءِ مرمرءِ لٹ ءُ پل بہ بیت۔ ایشاناں مروچی ءَ داں بلوچءِ  زورگیریءِ ساھگ ءَ ریاستءَ برجاہ داشتگ ءُ بلوچ ءَ را ایردستیں راجےءِ بستارءَ لگتمال کنگءَ اِنت۔ بلے بنداتی روچءَ بگر داں انوں بلوچ ھچ زورگیرءِ ھلاپءَ ھاموش نہ بوتگ نیکہ وتی ایردستی اوپار کتگ ئے ءُوتی وتواجھیءَ پہ مُدامی ڈولءَ زورگیرءِ ھلاپءَ گہگیری کنگءَ اِنت۔

سرجمیں نبشتانک ءِ وانگ ءِ ھاتر ءَ پی ڈی ایف فائل ءَ ایر بہ گیج اِت۔