کیچ ءِ اندر ءَ دُژمن ءِ یوتھ انگیجمنٹ پالیسی
چمشانک
پجّار؛
انچش کہ گوستگیں دو سال ءَ چہ زوراکیں استان ءِ بنجاہی ءُ دمگی سرکار ءِ شوربندیانی رد ءَ یوتھ انگیجمنٹ ءِ چست ءُ ایر چہ گوست ءِنِز ءَ گیش ودّینگ، نوکتر ءُ سانمند کنگ بوتگ انت۔ کیچ ءِ اندر ءَ اوں استان ءِ یوتھ انگیجمنٹ ءِ پروگرام ھمے نیام ءَ جتائیں وڑ ءُڈولانی تہ ءَ گیش ودّینگ بوتگ انت۔ پہ درور اسکول، کالج ءُ شھدربرجاہانی اندر ءَ بیوپاری سیشن ءُ مراگاہ اڈ دئیگ بوتگ انت،وانگجاہانی تہ ءَ وتگڈیں اسکل ڈیولپمنٹ سنٹر ءِ جوڑ کنگ، زالبولانی انگیج کنگ ءِ ھاتر ءَ آوانی زرّی کمک کنگ ءَ ھوار اسکالرشپ،سیشن، اسٹڈی ٹوّر ءُ نودربر کلب ءِ جوڑشت کنگ بوتگ انت۔ ما جھل ءَ ھمے پروگرامانی سر ءَ لکّیں نگاہے ایر کن ایں۔
بیوپاری سیشن؛
کیچ ءِ اندر ءَ تُربَت مزن شھدربرجاہ ءِ اسسٹنٹ پروفیسر ڈاکٹر گلام جان ءِ سروکی ءَ اسکول، کالج ءُ شھدربرجاہ ءِ اندر ءَ بیوپاریسیشن اڈ دیگ بوتگ اَنت۔ اے سیشن تُربَت مزن شھدربرجاہ ءُ آئی ءِ ہواریں ادارہ، عطا شاد ڈگری کالج ءُ لیپس اسکول سریکھن ءَ ھوار دگہ جاہاں اڈ دئیگ بوتگ اَنت۔ اے سیشناں ھمے گشگ بوتگ کہ ورنا بیوپار بہ کن اَنت، زمباد ءِ کارے جاھ ءَ استیںزمانگ ءِ لوٹانی بنیات ءَ کار بہ کن اَنت۔ اے بیوپاری سیشنانی وسیلہ ءَ ورنا جتائیں ڈولاں تُرسینگ ءُ رد دئیگ بوتگ اَنت کہ آبلوچ جنز ءَ یکّر بہ بنت۔ اے پندل بن اسل ءَ استان ءِ مزنیں بیانیہ ءِ بھر اِنت کہ بلوچ ورنا لیکہی پھتگی ءِ جاہ ءَ بے روزگاری ءِسوب ءَ بلوچ جنگ ءِ بھر بوگ ءَ انت ءُ ھمے سیشن آواں ماں بلوچ جنز ءِ سِندگ ءَ وسیلہ بنت۔ ڈاکٹر گلام جان ءِ بیوپاریسیشناں پد اکتوبر 2026 ءَ رائز پروگرام ءِ وسیلہ ءَ تُربَت ءِ ڈپٹی کمشنر یاسر دشتی ءَ 250 زالبول، مردین ءُ نودربر لکّانی سامان ءُزرّ داتگ انت کہ آ بیوپار بہ کن اَنت۔ اد ءَ آیانی مکسد اے نہ اِنت کہ ورنا روزگار بہ کن اَنت بلکیں آیاں انچیں کاراں گوں گیروشگکنگ اِنت کہ آ چہ وتی بنیادی لوٹ ءُ ھکاں بیھال بہ بنت۔ ہما ورنا کہ آ گنجانی واجہ اَنت،آیاں اے رنگیں پندلاں گوں پنڈوک جوڑکنگ ءُ آیاں کسانیں چِزاں گوں ردی دیگ ءِ کوشست کنگ بوگ ءَ اِنت۔
اسکل ڈیولپمنٹ سنٹر؛
کیچ ءِ اندر ءَ استان سئے ءُ چار جتائیں پروگرامانی وسیلہ ءَ وتگڈیں اِسکل ڈیولپمنٹ ءِ سر ءَ کار کنگ ءَ اِنت۔ ایشانی تہ ءَشہدوست دشتی ءِ سروکی ءَ جزّوکیں بالی اسکلز ھب، رائز پروگرام ءِ چیردستی ءَ تُربَت مزن شھدربرجاہ ءِ سٹی کیمپس ءَ ڈیجیٹلاسکلز شارٹ کورسز ءِ پروگرام ءَ ھوار ایپ سی ءِ سروکی ءَ جزّوکیں پرواز پاؤنڈیشن ءِ چیردستی ءَ زالبولانی انگیج کنگ ءِ ھاتر ءَوومن ووکیشنل ٹریننگ سنٹر ءِ جوڑشت ھوار انت۔ رائز پروگرام ءِ چیردستی ءَ مکُران ءِ 72 زالبولیں نودربر کاسمیٹکس کورس ءِھاتر ءَ اسلام آباد ءَ دیم دئیگ بوتگ اَنت کہ آ آؤکیں وھداں ھمے کورسانی بنیات ءَ بیوپار بہ کن انت ءُ وت ءَ مشگول بہ کن انت۔ ھُنر ءِ در برگ پہ راجاں نیکین پالے، بلے اد ءَ زانگی اِنت کہ اِشاں کئے ءُ پرچا کنگ ءَ اِنت؟ اِشانی پُشت ءَ مکسد چی اِنت؟ءُ اے اِستان چو یکیں دمان ءَ چوں پہ بلوچ ءَ مہربان جوڑ بوتگ؟
اے ہما جُست اَنت کہ اِشانی پسوانی تہ ءَ راستی چیر اِنت۔ اے رنگیں وتگڈیں ھُنرانی مکسد بلوچ ورنایاں رد دیگ ءُ آیاں چہ وتیزمین ءُ راج ءَ سِندگ اِنت۔ یک نیمگے دُژمن بلوچ پُسگاں شپانی نِسپاں چِست کنت ءُ بیگواہ کنت، جونانی جون دور دیگ ءَ اِنت،تاسُپیں بچاں شہید کنگ ءَ اِنت ءُ دومی نیمگ ءَ وتی زوراکیانی چیر دیگ ءِ ہاتر ءَ اے رنگیں پندل سازگ ءَ اِنت۔
سیشن؛
کیچ ءِ وانگی ادارہانی تہ ءَ جتا جتائیں سرھالانی سر ءَ سیشن اڈ دئیگ بوتگ۔ پہ درور تُربَت مزن شھدربرجاہ ءِ اندر ءَ پاکستان ءِگوستگیں نیشنل سیکورٹی ایڈوائزر ءُ بیکن ہاؤس یونیورسٹی ءِ وائس چانسلر ڈاکٹر معید یوسف ءَ انتہا پسندی ءُ ناشرکاری ءِ سر ءَ سیشنءِ اڈ داتگ، آئی ایس آئی ءِ گوستگیں مزن کماندار جنرل ھمید ءِ بچ ءُ تحریک جوانان پاکستان ءِ سروک ابداللہ گل ءَ پروپیگنڈہ،مینوپولیشن ءُ سبورژن ءِ سرا سیشن ءِ اڈ داتگ۔ زامران مینگل ءَ بیوپارے سر ءَ سیشن ءِ اڈ داتگ۔ ایشاں ھوار رائز پروگرام ءِوسیلہ ءَ لا کالج ءُ تُربَت مزن شھدربرجاہ ءَ اوریئنٹیشن سیشن اڈ دئیگ بوتگ۔ رائز پروگرام ءِ پروگرام تھنا شھدربرجاہ ءَ محدود نہانت بگندے دشت کُڈّان ءِ ہائی اسکول، بلیدہ ءِ وانگی ادارہ، ہوشاپ ءِ وانگی ادارہ، چاہسر ہائی اسکول ءَ ھوار دگہ وانگجاہاں سیشناڈ دئیگ بوتگ ءُ نودربر جنگی جاورانی تہ ءَ وشّیں واب پیشدارگ بوتگ انت۔
اے سیشنانی تہ ءَ گپ ءُ ھبر بلوچ راجی جُنز ءِ ہلاپ ءَ بوتگ اَنت ءُ نودربر جتائیں دروگیں پروپگنڈہاں گوں گُمراہ کنگ بوتگ اَنت۔
نودربر کلب؛
تُربَت مزن شھدربرجاہ ءِ اندر ءَ وھد پہ وھد سوسائٹی ءُ نودربر کلبانی وسیلہ ءَ نودربر مشگول کنگ بوگ ءَ اَنت، سیشن دئیگ بوگءَ انت، ڈیجیٹل کورس، چکّاسی نمبر ءُ لیڈرشپ اپرچونیٹی ءِ نام ءَ ریپینگ بوتگ انت داں آھانی ھیال ءُ کار وش وابی ءِ نیام ءَتاب دئیگ بہ بنت۔ پہ درور لا سوسائٹی، ڈیپارٹمنٹل کلب، وائی پی ڈی سی ءُ بیلی ءِ وسیلہ ءَ نودربر جتائیں پروگرامانی وسیلہ ءَمشگول کنگ بوھگ ءَ انت۔ وائی پی ڈی سی پاکستان ءِ وزرات منصوبہ بندی ءِ چیردستیں پروگرام یے کہ تُربَت مزن شھدربرجاہءَ ایشی ءِ کابینہ ءِ جوڑ کنگ بوتگ، مُسّدک نامیں مردے ایشی ءِ کارمستر ءُ بختیار رند کارگشاد گچین کنگ بوتگ انت۔ ھمے وڑ ءَبلوچستان ایمرجنگ لیڈرشپ انیشیٹیو (بیلی) ءِ نام ءَ تُربَت مزن شھدربرجاہ ءَ نودربر کلبے جوڑ کنگ بوتگ، ایشی ءِ کارمستر فدا ءُکمک کارمستر جانشیر انت۔ اے کلب ڈیجیٹل انٹریپینورشپ، وومن انٹریپینورشپ ءُ بزنس پلاننگ دابیں پروگرامانی وسیلہ ءَنودربراں بیوپاری وش وابیانی تہ ءَ ریپینگ ءَ اِنت۔ اے سوسائٹی ءُ کلبانی اندر ءَ یک نوکیں شوربندی ءِ آرگ بوتگ کہ پیسرا کلبانیمردم پوجی بنجلانی اندر ءَ ترّ ءُ گرد یا سیشن ءَ برگ بوتگ انت بلے نوں اے کلبانی فیس سرجمی ءَ مزن شھدربرجاہ ءِ ڈائریکٹریٹآف اسٹوڈنس اپیئر ءُ ڈیپارٹمنٹل ڈین یا ایچ او ڈی کنگ بوتگ انت داں ایشانی تہ ءَ نودربر ارزانی ءَ ھوار بہ بنت ءُ رد دئیگ بہبنت۔ مرے وختاں ایشانی سیشن ءُ پروگرام اوں پوجی اپسرانی جاہ ءَ سیول مردمانی وسیلہ ءَ کنگ بوھگ ءَ انت۔ پہ درور وائی پیڈی سی ءَ مزن شھدربرجاہ ءِ پولیٹیکل سائنس بھرگ ءِ کمک ءَ نوکیں سوبہ ءِ جوڑشت ءِ بابت ءَ ماں جنرل ہیڈ کوارٹر ( جی ایچ کیو) ءِ پلان ءِ پلّامرزی ءَ 29 ستمبر ءَ سیشنے کنگ کہ ایشی ءِ تہ ءَ کلّیں تران کار شھدربرجاہ ءِ پروفیسر بوتگ انت، گوستگیں سال ءَ وائیپی ڈی سی تُربَت مزن شھدربرجاہ ءِ دو ذمہ دار اُڑان پاکستان ڈیبیٹ ءَ برگ بوتگ انت ءُ لکّ کلدار زر دئیگ بوتگ انت۔ وائی پیڈی سی تنظیمے ءِ جہت ءَ بلوچستان ءِ کلّیں شھدربرجاہاں کار کنگ ءَ اِنت۔ 17 اکتوبر 2026 ءَ ماں بیلی ءِ چیردستی ءَ تُربَت مزنشھدربرجاہ ءَ اے آئی ءِ نام ءَ سیشن ءِ اڈ دئیگ بوتگ کہ ایشی ءِ تہ ءَ شھدربرجاہ ءِ وائس چانسلر گل ھسن ءَ تران کتگ۔ اےکلّیں نودربر کلب وتی جتائیں پروگرامانی تہ ءَ یک ھبرے ءَ ھمسنّتی دارنت کہ چی وڑ ءَ شھدربرجاہ ایڈمن ءِ کمک ءَ نودربر مشگولکنگ بہ بنت ءُ وش وابیانی تہ ءَ آرگ بہ بنت۔
اے کارانی مکسد بلوچ ورنایاں دروگیں وابے ءَ دور دیگ ءُ آیاں وش وشیں پروگرام ءُ کارانی نام ءَ رد دیگ اِنت، اے کُلیںکارانی دیم ءَ بروک بلوچیں مردم اَنت کہ سر زاھر ءَ ساپ ءُ پلگار پیش دار اَنت بلے چیر اندر ءَ اِشانی مکسد ءُ نیت بلوچ جُھد ءِہلاپ ءَ کار کنگ ءُ دژمنیں اِستان پاکستانیت ءِ مہکم کنگ اِنت۔ اِشانی تہ ءَ بازیں مردمے پہ زانت گون اِنت ءُ بازینے پہ نازانتیءُ لب ءُ لالچ بلوچ دژمنیں عملانی بھر اَنت۔
اے کُلیں عمل ءُ کُرتن بلوچ دژمنی ءِ کالب ءَ کائینت، بلے اے پندل چو سر زاھر ءَ بگندے مھلوک ءِ دیم ءَ آشکار مہ بنتپرچاکہ اے انچیں سافٹ پالیسی اَنت کہ لس مہلوک ءُ ورنا اِشاں چو آسانی ءَ پوہ نہ بیت بلکیں وہدے کہ پاشک بنت ءُ ورناراستیں رنگے ءَ جیڑ اَنت داں سما بیت کہ اے رنگیں عمل چہ کُشگ ءَ ہم گیش تاوانبار اَنت۔ مرچی دژمن ہارڈ ءُ سافٹ، دوئیںپالیسیانی دروشم ءَ بلوچ جھد ءِ ہلاپ ءَ کار کنگ ءَ اِنت ءُ ایشی ءِ مستریں ھترناکی اِش اِنت کہ اے عملاں انچیں مردم ہوار کہآیاں بلوچ راجمان ءَ وتی نرمیں اکسے جوڑ کتگ داں کہ آ آسانی ءَ پجارگ مہ بنت۔ اے رنگیں عمل مارا ہمک ایردستیں زمینانی سرءَ گندگ ءَ اتکگ ءُ بلوچستان ءَ ہم جتائیں داباں عمل بوگ ءَ اِنت۔
دژمنیں اِستان ءِ یوتھ انگیجمنٹ ءِ وسیلہ ءَ اے سافٹ پندل کیچ ءِ تہ ءَ اِشاں ہوار دگہ جتائیں ترز ءُ داباں جُنزگ ءَ اِنت۔ اد ءَچندے ٹولی ءُ مردمانی نام کہ ہوار کنگ بوتگ، اِشاں ہوار دگہ ہم ہست کہ پہ وھد بلوچ راج ءِ دیم ءَ پاشک کنگ بنت۔ اےرنگیں پندل ءُ ٹولیانی پاشک کنگ ءِ مول ءُ مُراد اِش اِنت کہ بلوچ راج چہ اے رنگیں راج دُژمنیں عمل ءُ مردماں باسما بہ بیت ءُبہ زانت کہ کئے آستونک ءِ مار ءِ پیم ءَ راج ءَ نرمیں اندازے ءَ تاوان دیگ ءَ اِنت۔
دُرستیں دلیلاں پد گُڈی گپ ہمود ءَ کئیت ءُ اوشت ایت کہ بلوچ یک ایردستیں راجے، آئی ءِ زمین پہ زور پچ گرگ بوتگ، چہ آئیءَ ہمک شئے پچ گرگ ءُ پروشگ بوتگ، نوں گوں دروگیں تسلہ، رپک ءُ ھُنراں بلوچ راج ءَ گیش ایردست کنگ ءِ پندل سازیبوگ ءَ اِنت۔ پمیشکا کُلیں بلوچ ورنا ءُ مھلوک ءَ اے سرپد بوگی اِنت کہ آیانی باندات گوں اے رنگیں ادارُکی کار ءُ پروگاماں گوںبندوک نہ اِنت بلکیں آیانی باندات ءُ دیمروئی گوں آجو بلوچستان ءَ بندوک اِنت۔