‏COIS & Youth Engagement Program

کاؤنٹر انسرجنسی ءُ یوتھ انگیجمنٹ پروگرام

( کالونیل چال اتا گواچن )

محراب بلوچ

اسہ راج ئسے نا کُل ان بھلا مڈیک اونا ورناک چاہنگ مریرہ کہ ہرافک تینا سوگہوئی ءُ لائخی ان راج و چاگڑد ئنا شونداری ءِکیرا ۔ ورنا ! اسہ راج ئسے نا ہمو تَپّہ چاہنگ مریک کہ ہراڑتون تیوہ غا راج ئنا باندات تفوکے ۔ جہانی پِڑ آ اگہ بندغیدیہاڑے سیل کین گُڑا ننے مدام بندغی زند ئٹ اسہ ارتقائی سفر ئس خننگ ئٹ بریک کہ ہرا ارتقاء بندغ ءِ ترقی ترسہدے پہ دے ان سرسوب کرسہ کرینے ۔ اگہ نن اندا سرسوبی ءِ تہہ ان اُرین گُڑا داٹی کُل ان بھلا کڑد اندا ورنا تا خننگئٹ بریک کہ ہرافک تینا علم ، لائخی ءُ عمل ان تینا راجی چاگڑدے شون کرسہ مہکم کرینو ۔ اندن ایردست آ چاگڑد اتیٹورنا تا بھلو کڑد ئس مریک ، ہراتم اسہ راج ئسے آ اسہ زوراک ئس تاغت نا زور ئٹ قوضہ کیک گُڑا او زوراک او راج ئناچاگڑدے مسخ کرسہ باتی تا natural grooming process ءِ توریک کہ ہرانا سلینگ ان او چاگڑد ئنا رُدوم سلینگ نااماچ مریک ۔ ہراتم اسہ چاگڑد ئس مسخ کننگِک گُڑا ولدا اونا چاگڑدی و سیاسی ساخت ءِ جوڑینگ ورنا تا زمہ واری ئٹبریک کہ ہرافک تینا سیاسی شعور ءُ لائخی ان اسہ منظم ءُ دروشم اسیٹ تینا راجی چاگڑدے شون کیرا ءُ زوراک اتونمون ایترہ ۔ بابا محمد علی تالپور تینا نوشتانک ئسے ٹی ( غلامی نا ویل ؤ ورنا تا کڑد ) ئنا بابت لکھک کہ “ اسہ جنگل اسیٹہراتم خاخر لگک گُڑا او کُلا جنگل ءِ اُشسہ کاہک ہرانا بھلو نسخان ئسے ولے ایلو پہلو آ اندا خاخر نا دا فائدہ ہم ارے کہ دانہتہوش ان ہمو بِج اک رُدینگے بناء کیرا کہ ہرا بِج اک تیاری ان مُست ڈغارا تماسُر “ ۔ ورناک چاگڑد ئنا ہمو بِج اکو کہ ہرافکغلامی نا لگوکا خاخر نا تہوش ان رُدیسہ پین پینگن مریرہ ۔ دا وخت بلوچ چاگڑد ئٹ ہم ہمو خاخر لگوکے کہ ہرا دا چاگڑدےاُشسہ انسہ ءِ ہرانا نسخان بھاز بھلون ءِ ، ولے ایلو پلہو آ دا خاخر نا فائدہ دا ہم ارے کہ دانہ تہوش چاگڑد ئنا بِج ( ورنا ) تے پین سوگہو کرسہ ءِ ۔

اندن دا وخت بلوچ چاگڑد پاکستان نا اسہ کالونی ئس چاہنگ مریک کہ ہراٹی بلوچ باتیک تینا ڈغارا غلام انبار زند گدریفنگ آمجبور کننگانو ۔ دا وخت بلوچ راج ئنا بھلا اومیت اونا ورناکو کہ ہرافک مزاحمت نا جتا جتا غا تَلہ تیا تینا کچ و کہیل ئٹبلوچ جنزے اجوئی ءِ تینا کمک ءِ ترسہ ءُ ۔ بلوچ ورناک پاکستان نا زوراکی ءِ رَد کرسہ مسلح و سیاسی سنگر آ تینا اجوئی ناجنزے ترندی ئٹ مستی درسہ ءُ ۔ بلوچ جنز ئنا دا ترندی ءِ مون آ تخسہ پنجابی ریاست پاکستان ہم جتا جتا غا دروشماتیٹ “ کاؤنٹر انسرجنسی پالیسی “ اتسہ ءِ ۔ دا وخت بلوچ ورنا تا کُل ان بھلا مسخت بلوچ ڈغار ئنا اجوئی ءِ و بلوچ ورناکہم تینا اندا مسخت نا عمل ئٹ آختہ ءُ ۔ گُڑا اندا وخت ئٹ پاکستان نا نیمہ غان ہم بھازا پالیسی و چالبازی اک خننگئٹ برسہ ءُ ہرافتے اتننگ نا مسخت بلوچ ورناتے اوفتہ گواچنی مسخت ان چَپ شاغنگ نا ءِ ۔

کاؤنٹر انسرجنسی پالیسی

کاؤنٹر انسرجنسی پالیسی انت ئسے ؟ دا سوج ئنا ورندی ءِ دُن تننگ کینہ کہ دا اِستان اتا ہمو پالیسیک مریرہ کہ ہرافتہ مسختاسہ راجی چاگڑد اسیٹ جہی بغاوت ءِ ایسر یا نزور کننگ نا مریک ۔ اسہ چاگڑد اسیٹ ہراتم جیڑہ غاک کاٹم کشیرہ گُڑا اوجیڑہ تے ایسر کننگ کن مخلوق جنگی و سیاسی بنیات آ بغاوت کیک ءُ تینا جُنز ئس جُوڑیک ۔ اندا باغی لشکر نا عمل ءِ خنسہمدام اِستان اک بغاوت ءِ ایسر یا نزور کننگ کن کاؤنٹر انسرجنسی پالیسی اتیرہ کہ ہرافک سافٹ ؤ ہارڈ ( soft & hard ) ہڑتوم آ دروشم اتیٹ مریرہ ۔ کاؤنٹر انسرجنسی نا بندات کالونیل پیرڈ ان بقاعدہ فارمل دروشم ئٹ مس کہ ہرا وخت نوآبادیتیٹ بش مروکا ازادی نا جنز اتے تورینگ کن نوآبادکار اک جتا جتا غا حکمتِ عملی تے جوڑار ۔ قوضہ گیر اتا کاؤنٹر انسرجنسیپالیسی تے اگہ نن جہانی پِڑ آ کالونیل پیرڈ ئٹ اُرین گُڑا گیشتر ننے دافتہ اسہ فیکٹر ئس گیشتر خننگ ئٹ بریک کہ ہرا پاور فیکٹر( power factor ) ءِ ، ہراٹی زوراک گیشتر تینا فوجی تاغت و مشینری ءِ کاریم ئٹ اتسہ انسرجنسی ءِ ایسر کننگ ناکوشست کیک  ۔ ولے کالونیل پیرڈ ان گُڈ اینو نا ساڑی آ جنگی حالیت اک کہ ہرافک ( modern warfare ) نا پِن ئٹچاہنگرہ ، گُڑا دا حالیت اتیٹ کاؤنٹر انسرجنسی پالیسی تیٹ بھلو بدلی ئس برسہ کرینے ۔ اینو اگہ نن دا ماڈرن وارفئیرmodern warfare نا دور ئٹ کاؤنٹر انسرجنسی پالیسی تے سیل کین گُڑا دافتہ بھازا فیکٹر اک خننگ ئٹ بریرہ کہہرافک سیاسی ، معاشی ، نفسیاتی ءُ رسانکداری دروشم تیٹ ننا مونا ساڑی ءُ ۔ اندن اگہ نن بلوچ چاگڑد ئنا ساڑی آحالیت اتے اُرین گُڑا ننے خننگ ئٹ بریک کہ دا وخت بلوچ چاگڑد نا زِی آ پنجابی ریاست پاکستان زوراکی ئٹ قوضہکرینے ءُ بلوچ راج ءِ اونا جند ئنا ڈغارا غلام جوڑ کرینے ۔ اندا غلامی نا برعکس دا وخت بلوچ باتیک ہم آزاتی الینگ کنتینا اسہ جنز ئس جوڑانو ءُ ترندی ئٹ دا جدوجہد ئٹ آختہ ءُ ہرافتہ مسخت بیرہ بلوچستان نا اجوئی ءِ ۔ بلوچ ورناک تیناجنزے اجوئی ءِ اینو ہر بلوچ باتی ئسکان سر کننگ آ سرسوب مسونو ءُ دا وخت بلوچ چاگڑد ئٹ آزاتی نا جنز ترندی ئٹبرجاہ ءِ ہرا پنجابی ریاست اکن اسہ بھلو ویل ئسے ۔ گُڑا پنجابی ریاست پاکستان بلوچ جنزے ایسر یا نزور کننگ کن داوخت کاؤنٹر انسرجنسی نا جتا جتا غا پالیسی تے اتسہ بلوچ جنز آ پریکٹس کننگ نا کوشست ءِ کرسہ ءِ ۔ دا پالیسی تیٹسافٹ ءُ ہارڈ ہڑتوم آ پالیسیک آوارو ، ولے دافتہ مسخت بیرہ اسٹ ءِ ، او دادے کہ بلوچ مخلوق ءِ امر جنزے آجوئی انچَپ شاغنگ مرے ءُ تحریک ؤ لس مخلوق نا نیام ئٹ ہمو سوشل کنیکشن ( social connection) امر ایسر کننگمرے ۔ گُڑا مدام پنجابی ریاست پاکستان ، بلوچ جنزے توننگ ؤ نزور کننگ کن تینا جتا جتا غا پالیسی تے دا وڑ اتسہ ءِ ۔

کاؤنٹر انسرجنسی ( COIS ) ءُ اونا جتا غا بشخاک

دا وخت پنجابی ریاست ، بلوچ انسرجنسی ءِ کاؤنٹر کننگ کن تینا جتا جتا غا چال اتے مونا اتسہ ءِ ہرافک گیشتر سافٹ فامہٹی ءُ ۔ ولے دا کُل پالیسی تے اتننگ نا مسخت بیرہ اسٹ ءِ کہ بلوچ لس مخلوق ءِ امر ( neutralise ) کننگ مرے ءُاوفتے امر دا جنز ان چَپ شاغنگ مرے ۔ گُڑا دا عمل نا زِی آ پنجابی ریاست ترندی ئٹ تینا بے سوب آ کوشست ءِکننگے ہرانا منفی نسخان ہم ننا چاگڑد ئٹ تمینگ کیک ۔ گُڑا اینو ہر بلوچ اکن المی ءِ کہ او زوراک نا دا کُل چال اتیان واخفمرے ۔

‏COIS Economical factor

پنجابی ریاست ، بلوچ انسرجنسی ءِ نزور کننگ کن دا وخت گیشتر بلوچ نا زَرباروی نظام آ تینا قوضہ ءِ کننگے ۔ بلوچ لسمخلوق نا اگہ Mode of production ءِ اُرین گُڑا گیشتر ننے گڑاس اندنو وسیلہ خننگ ئٹ بریرہ کہ ہرافک بلوچ مخلوقنا زَر ئنا وسیلہ جوڑو ۔ دافتیان اسٹ باڈر ٹریڈ ءِ ، تیل ئنا روزگارے ، کشت و کِشار ، ماہی گیری ءُ گڑاس پین وسیلہ ءُ کہہرافتہ زی آ بلوچ نا سرجم آ معیشت تخوکے ۔ ولے پنجابی ریاست ، بلوچ نا دا کُل بھلا زَر کٹنگ نا وسیلہ تیا تینا دُو ءِ سختکرینے ءُ تینا منشہ ئٹ دا کاریم اتے چلیفک ۔ باڈری ہند اتیٹ تولوک بلوچ مخلوق نا گیشتر زَر ئنا وسیلہ باڈر ٹریڈے ولےفوج دا تیوہ غا روزگار اتے تینا کنٹرول ئٹ کرینے ءُ گڑاس ڈیتھ اسکواڈ نا بندغ اتے سریلا اِلانے ، ایلو تیوہ غا مخلوق ئٹاندا نفسیات ءِ جہی کننگے کہ بیدے فوج ءُ ڈیتھ اسکوڈ نا بندغ تیان کس روزگار کننگ کپک اگہ کسے کروئی ءِ گُڑا اوفتے اوّلننا باٹی مروئی ءِ ۔ دا ہمو نفسیات ءِ کہ ہرانا بندات اندا روزگار ان مریک ولے مدان مدان آ اِنسہ دا بندغ ءِ پنجابی ریاست نامفاد اتیکن درکار ئٹ اتیک ۔ دا نفسیات اخس کہ زیات مریک مخلوق ہموخس تینا راجی جنز ان چَپ تمیسہ اندا ٹولی ءُ تیناذاتی مفاد اتا گواچی مریک ہرا اسہ حساب ئٹ انسرجنسی ءِ نزور کننگ نا اسہ وسیلہ سے ۔ استان نا دا پالیسیک گیشتربلوچستان نا ہند پنچگور ، نوشکی ، تفتان چاغی ، مند ءُ ایلو باڈری جاغہ تیٹ خننگ ئٹ بریرہ ۔ اندن بلوچ نا کِشت و کشارآ ہم جتا غا چال اتیٹ ریاست تینا کنٹرول ءِ کرینے ۔

‏COIS Psychological factor

راجی جنز ئسے نا کُل ان بھلا تاغت اونا مخلوق چاہنگ مریک کہ ہراٹی باغی ءُ لس مخلوق نا نیام ئٹ اسہ نظریاتی ءُ سیالیئس جوڑ مریک ۔ اندا سیالی نا سوب ان مخلوق نا احساس ، جوزہ ، مہر مابت کُل جنز اتو تفنگِک کہ ہرا اسہ تاغتورو ریاستئسے کن کُل ان بھلو چیلینچ ئس چاہنگ مریک ۔ اندن بلوچ جنز ہم دا وخت ترندی ئٹ بلوچ مخلوق نا اندا حمایت ءِالکُنے کہ ہرانا سوب ان مخلوق ءُ باغی تا نیام ئٹ جوڑوکا سیالی گیشتر سوگہو مسونے ۔ گُڑا دا سیالی ءِ ایسر کننگ کن پنجابیریاست جتا جتا غا نفسیاتی چال اتے کاریم ئٹ اتسہ ءِ ہرافک مزھب ، قبائلیت ، منفی روایت ، تادی ءُ تاغت نا دروشمئٹ خننگ ئٹ بریرہ ۔ اینو پنجابی ریاست نفسیاتی دروشم ئٹ کالونیل چال جوڑ کرسہ بلوچ مخلوق ءِ اندن رِیفسہ ءِ کہہرانا مسخت بلوچ باغی ءُ مخلوق نا نیام ئٹ جوڑوکا سیالی ءِ ایسر کننگ نا ءِ ۔ ڈیتھ اسکواڈ نا بندغ اتے قبائلی حساب آمون آ اتننگ ، بلوچ سیکولر جنزے اجوئی ءِ مزھبی پیچ و تاب اتیٹ رنگ تننگ دا کُل زوراک نا ہمو دانستہ پالیسی کو کہہرافتہ مسخت بلوچ مخلوق ءِ جنزے اجوئی ان چَپ شاغنگ ءُ راجی حوالہ غا مسخ کننگ نا ءِ ۔ داڑان بیدس بلوچ باغی تالاش اتے مسخ کننگ ، اوفتے فوجی لاری تا مونا تفننگ ءُ گِر کننگ ، بلوچ سیاسی جہدکار اتے بیگواہ کننگ دا کُل پنجابیریاست نا ہمو دانستہ پالیسی کو کہ ہرافک نفسیاتی دروشم ئٹ بلوچ مخلوق ءِ جنزے اجوئی ان چَپ شاغنگ کن بلوچچاگڑد ئٹ تالان کننگانو ۔

‏COIS power factor

تاغت اسہ اندنو عمل ئسے کہ ہرانا رَد استعمال وختی اسہ جیڑہ سے ایسر یا کُنج و پاناد کننگ کرو ولے باندات ئٹ دانہ بھلواثر ئس تاغتور نا جند ئنا زِی آ تمیک ۔ تاغت نا رَد استعمال ءِ جہان نا تہٹی ہر تاغتور خنانے ، اندن کن فزیکس نا اسہ ٹرمئسے کہ ( every action as a reaction) اندن تاغت نا مثال ہم اندنے ، ہراتم تاغتور ئس تینا تاغت ئٹ اسہنزور ئسے آ تادی کرینے بلکہ او ساعت آ او سرسوب مسونے ولے باندات ئٹ اندا نزور اسہ تاغت ئس جوڑ مرسہ تیناری ایکشن ءِ ہمون تسونے ۔ جہانی پِڑ آ بھازا راج اتا مثال ننتو ارے کہ ہرافتے جتا جتا غا تاغتور اک تینا قوضہ ٹی السہاوفتہ ڈغارے تینا کالونی جوڑ کرسہ اوفتے آ تادی کرینو ولے وخت اتو اوار اندا نزور اک ہم منظم مرسہ او تاغت اتےپرغانو ءُ تینا زی آ مروکا تادی تا ری ایکشن ءِ تسونو ۔ اندن ساڑی آ وخت بلوچ انسرجنسی ءِ ایسر ؤ نزور کننگ کن پنجابیریاست نا نیمہ غان گیشتر تاغت نا استعمال خننگ ئٹ بریک کہ ہرا تاغت ہر ہمو بندغے پلویڑ ئٹ السہ ءِ کہ ہرا بلوچ جنزئنا جتا جتا غا سنگر تیا تولوکے ۔ ولے دانہ بدلی ئٹ بلوچ ورنا تا نیمہ غان ہم ترندو ری ایکشن ئس استان ءِ رسینگنگ ءِ ۔تاغت انسرجنسی ءِ کاؤنٹر کننگ کن اسہ فیکٹر ئسے ہرا ہارڈ دروشم ئٹ مریک ءُ ہرانا گیشتر استعمال ءِ عسکری ادارہ غاککیرا ۔ اینو خننگ ئٹ بریک کہ بلوچ انسرجنسی ءِ کاؤنٹر کننگ کن پنجابی ریاست ،  فوج ، توپ و توفک ، ڈرون ءُ ایلومشینری تے کاریم ئٹ اتسہ ءِ ۔

‏COIS Political factor

انسرجنسی ءِ کاؤنٹر کننگ کن دا ہمو فیکٹرے کہ ہرا گیشتر سیاسی عمل اتا دروشم ئٹ خننگ ئٹ بریک ہرا مدام سافٹدروشم ہٹی ءِ ۔ سیاست اسہ اندنو عمل ئسے ہرا سافٹ دروشم ئٹ اگہ مرے گُڑا او لس مخلوق ئٹ تینکہ جاغہ جوڑ کیکءُ تینا سیاسی خواست ءِ لس مخلوق اسکان سر کیک ۔ گُڑا اسہ ایردست ءُ چاگڑد ئسیٹی سیاسی عمل ئٹ مخلوق ءِ غلامتخنگ تاغت ور نا بھلا چال اتیان اسٹ ءِ ہرا ایردست آ راج ؤ راجی جنز اکن بھلو تاوان ئس مننگ کیک ۔ اندن بلوچچاگڑد ئٹ پنجابی ریاست مخلوق ءِ تینتو تفنگ ءُ نیوٹرلائز کننگ کن سیاسی دروشم ئٹ بھازا پالیسی تے اتسہ ءِ ہرافتے پومننگ ءُ اوفتہ گواچن ءِ چاگڑد ئنا مونا اتننگ ہر بلوچ سیاسی باسک ؤ سنگت آ المی ءِ ۔ دا وخت بلوچ چاگڑد ئنا اسہ راستیئس دا ارے کہ بلوچ باتی تا گیشتر اومیت بلوچ راجی جنز اتو تفوکے ءُ لس مخلوق پاکستان نا جوڑوکا سیاسی ادارہ ءُسیاست ءِ رَد کرینے ، ہرا بلوچ راجی جنز اکن بھلو فائدہ ئسے ۔ گُڑا پنجابی ریاست مخلوق ءِ ولدا تینا نیمہ غا اتنگ ءُ راجیجنز ان مُر کننگ کن سیاسی رِد ئٹ بھلو پالیسی اتسہ ءِ کہ ہرافتیان اسٹ “ یوتھ انگیجمنٹ پروگرام “ ءِ ، کہ ہراٹی پنجابیریاست نا بھلا کوشست بلوچ ورناتے اوفتہ مسخت ان چَپ شاغنگ ءُ تینتو اختہ کننگ نا ءِ ۔

‏Youth Engagement program

یوتھ انگیجمنٹ پروگرام تینا پِن ان چاہنگک کہ ہرانا مسخت ورنا تیکن اسہ اندنو پروگرام ئس اتنگ نا ءِ کہ ہراٹی ورناک آختہمریر ۔ اینو بلوچ ورنا تا تیوہ غا ہوش راجی جنز اتون ءِ ہرا بلوچ باتی تیکن سرسوبی نا ہیت ئسے ولے اندا وخت ئٹ پنجابیریاست اسہ اندنو پروگرام ئس اتسہ ءِ کہ ہرانا مسخت بلوچ ورنا تا ہوش ءِ چپ کننگ ، اوفتے نیوٹرلائز کننگ ، اوفتےچنکو پوریہ سیٹی آختہ کننگ نا ءِ ۔ گُڑا داڑان دا گِڑا پاش مریک کہ استان دانستہ دا پروگرام ءِ بلوچ جنزے نزور کننگ کناتسہ ءِ ہرانا گواچن ءِ ہر بلوچ ءِ پو مروئی ءِ ۔

یوتھ انگیجمنٹ پروگرام نا گواچن انت ءِ ؟

یوتھ انگیجمنٹ پروگرام پنجابی ریاست نا ہمو کاؤنٹر انسرجنسی پالیسی تیان اسٹ ءِ کہ ہرا سیاسی رِد ئٹ بلوچ ورناتےنیوٹرلائز کننگ ءُ راجی جنز ان چَپ شاغنگ کن دانستہ اتننگانے ۔ دا ریاست نا ہمو سافٹ آ پروگرام تیان اسٹ ءِ کہ ہرابلوچ مخلوق ئٹ تینے منیفنگ نا کوشست ءِ کیک ءُ جتا جتا غا کالونیل چال اتے کاریم ئٹ اتسہ تینے بلوچ ئنا خیرخواہ باورکرفنگ نا کوشست کیک ۔ دا وخت بلوچ ورنا تا کُل ان بھلا مسخت بلوچ ڈغار ئنا اجوئی ءِ گُڑا پنجابی ریاست بلوچ مخلوقءِ دا کسر ان چَپ کننگ کن سافٹ دروشم ئٹ کالونیل سیاسی چال اتے کاریم ئٹ اتسہ ورنا تیک ورکشاپ ، یوتھ سیشن، اسکالرشپ ، لیپ ٹاپ ، اسکل مراگش ، سیل و سواد ، ساعت ئنا پوریہ ءُ فیسٹیول اڈ تننگے ، تانکہ بلوچ ورناک تیناگواچنی مسخت ان چپ مرسہ ریاست نا اندا پروگرام اتیٹ آختہ مریر ءُ پنجابی ریاست بلوچ ورنا تا اندا آختہی ءِ پروپگیٹکرسہ دا باور کرفے کہ بلوچ ورناتے ای ترقی نا نیمہ غا درسہ اُٹ ۔ پنجابی ریاست دا کُل کالونیل چال اتے حکومت ءِبلوچستان ڈپارٹمنٹ ( cultural & youth affairs ) نا نیمہ غان سیاسی دروشم ئٹ بلوچ چاگڑد ئٹی تالان کرسہ ءِ ۔بلوچستان حکومت نا کالونیل پارلیمنٹ ہٹی دا ڈپارٹمنٹ ءِ اتننگ نا بنداوی مسخت ہم بلوچ ورناتے ریاست تون گنڈینگنا ءِ ۔

یوتھ انگیجمنٹ پروگرام ہرا وڑ بلوچ چاگڑد ئٹ پریکٹس مننگے ؟

پنجابی ریاست پاکستان ، بلوچ یوتھ ءِ تینتو آختہ کننگ کن جتا غا جاغہ تیٹ جتاؤ پروگرام آڈ تننگے ۔ اینو اگہ نن دا پروگراماتے خُوڑتی ئٹ اُرین گُڑا دا ننے گیشتر یونیورسٹی ءُ کالج اتیٹ خننگ ئٹ بریرہ کہ ہراڑے ہیل کاری ورکشاپ تہ پِنئٹ فوجی ءُ ایلو انتظامیہ نا بندغاک بریرہ ءُ بلوچ ورنا تے لیپ ٹاک ، اسکالر شپ ترسہ اوفتے دا باور کرفیرہ کہ ریاستبلوچ ورنا تا خیرخواہ ءِ ، ولے گواچن ئٹ ریاست نا مسخت بیرہ اندادے کہ بلوچ ورناک تینا پرائمری جہد ان چَپ تمیسہنیوٹرلائز مریر ۔ اندن یوتھ فیسٹول نا پِن ئٹ بلوچستان نا جتا غا ہند اتیٹ سیاسی و ادبی فیسٹول اڈ تننگ مننگے ہرافتہ سروکیءِ اندا بندغاک کننگو کہ ہرافتہ ءُ پنجابی ریاست نا مسخت اسٹ ءِ ۔ دا فیسٹیول اتا گواچن ہم اندادے کہ ریاست جہان ءِشان تننگے کہ بلوچ ورناک کنتو تفوکو ءُ ای دافتہ خیر خواہ اُٹ ۔ داڑان بیدس ساڑی آ وخت اتیٹ اسہ پین پالیسی ئس دُنخننگ ئٹ بریک کہ بلوچستان نا ہرا ہند ئٹ جنزے اجوئی نا جنگ ترندی ئٹ برجاہ ءِ گُڑا ریاست ہمو ہند ئنا خوانندہ تیاناسٹ اسٹ ارفیسہ فیڈرل ورکشاپ اتا پِن آ دیک ءُ اوفتے اسکالر شپ ایتک ءُ رسانکدار آ اتسہ بھلو پروپگنڈہ کیک ۔ داکُل ہمو کالونیل چال اکو کہ گواچن ننا مونا ٹی ءِ ۔

یوتھ انگیجمنٹ پروگرام اتا نسخان انت ءِ ؟

اسہ ایردست ءُ چاگڑد اسیٹ کہ ہراتم اجوئی نا جنز تینا مزل کن ترندی ئٹ روانے گُڑا دا مزل کن انوکا کسر نا مسافر اکہراتم نیوٹرلائز مریر ءُ تینا کسر ان چَپ تمیر گُڑا او جنز مزل آ سر مننگ کپک ۔ اینو بلوچ راجی جنز ئنا بھلا سرمایہ غاک بلوچورناکو کہ ہرافک جہد ئنا جتا غا تَلہ تیا تینا کمک و کنٹریبویشن ءِ ترسہ ءُ ۔ ہراتم اندا ورناک زوراک ئنا کالونیل چال اتا جالئٹ برسہ تینا کسر ان چپ تمیرا ءُ نیوٹرلائز مریرہ گُڑا او راجی جنز نزور مریک ، اندا سوب ان دا نسخان تیوہ غا راج ئنا مننگکیک ۔ اینو پنجابی ریاست نا مسخت ہم بیرہ اندادے کہ بلوچ ورناک کنتو آختہ مریر تانکہ بلوچ جنز نزور مرے ، گُڑا اندامسخت آ عمل کرسہ او دا پروگرام تے اتننگے ۔ اینو بلوچ ورناتے ہم تینا نرخ ءِ پو مروئی ءِ ، بلوچ ورناک کہ ہرافک خیسنءُ چاندی بلکہ تیوہ غا دا ڈغار ئنا خواجہ غاکو گُڑا اوفتہ کچ بیرہ اسہ لیپ ٹاک ءُ اسہ اسکالر شپ ئس اف ، بلکہ اوفتہ مسختبھاز بھلونے ۔ زوراک اندنو ماحول ئس جوڑ کرینے کہ ہرا ننا تحقیقی ؤ تخلیقی صلاحیت اتے ایسر کرینے نن تینٹ تینانرخ ءِ پو مننگ افن ، ننا کچ بیرہ سیل سواد ئنا اف ، گڑاس فیسٹیول اتیٹ اننگ نا اف بلکہ ننا مسخت بھاز بھلون ءِ و ننےتینا سوچ و فکرے ہم اندن بھلون کروئی ءِ ۔