ایرانءُ اسرائیل جنگءِ پژدر
لبزانکی کمیٹی بی اس او آزاد
انوں کہ اسرائیلءِ نیمگءَ ماں عراقءَ ایرانی کونسلیٹءِ سرءَ ارش ءُ دومی 12ءَ گیش ایرانی پوجی مردمءِ کشگ ءُ بندپترءِ اولی رندءَ ایرانءِ نیمگءَ چہ اسرائیلءِ سرءَ اُرشءَ پد یکرندے دنیاءِ سیاستءَ اے گپ ءُ ھبرءَ سر چست کتگ کہ ایران ءُ اسرائیلءِ میانءَ اسل جنگ چیءِ سرءَ اِنت؟ اسرائیل کہ آئیءِ جنگ مدام عرب ملکاں گوں بوتگ ءُ آ گیش فلسطینی جہدءِ پروش دیگءَ دزگٹ بوتگ ءُ ھاسکر انوں کہ غزہءَ آئیءَ حماسءِ ھلاپءَ جنگءِ جار پِرّینت ءُ ھزارانی ھسابءَ فلسطینی کُشتگ ءُ تباہ کتگ اَنت ءُ مروچی دنیاءَ آئیءِ ھلاپءَ مہکمیں بیانیہ جوڑ بوتگ کہ آ پرچا ایرانءِ واستہ مدام سر درد اِنت ءُ ایرانءِ ھلاپءَ ملٹری ایکشن وڑیں مزنیں پیسلہ زورگءَ اِنت ءُ ایران کہ آ دنیاءَ شعیہی ملکے زانگ بیت، دومی ماں دنیاءَ شعیہ تاکتءَ یکجاہ کنگ ءُ وتی اثر ءُ رسوخءَ دارگءِ جہدءَ اِنت بلے سوال اِش کہ آ(ایران) پرچا فسلطینءَ سنی مسلمانی ھاترا پریشان اِنت ءُ پرچا اسرائیلءَ گوں مدام دپ جنگی کنگءَ اِنت؟ پدا انوں زوتاں ملٹری جنگءِ نیمگءَ اسرائیلءَ گوں دیم پہ دیم اِنت۔ اے تران ءُ باوستءِ سرپد بوگءَ المی اِنت کہ ما دنیاءِ پاور پالیٹکسءَ بہ زانیں کہ چون جنزیت۔ اے گپ ھم زانگی اِنت کہ راجی جُنز ءُ ایدگہ کسان مزنیں جنزانی سوبمندی ءُ بے سوبیءَ چونیں کردے پیلو کنت؟
سرجمیں نبشتانک ءَ وانگ ءِ واستہ جہل ءَ داتگیں پی ڈی ایف ءَ ڈاؤن لوڈ بکن اِت
شیف ئنا لنک آن پی ڈی ایف ڈاؤن لوڈ کننگ مریک۔