بانُک کریمہ ءُ بلوچ سیاست

جوانسال بلوچ

مرچی انچیں ساچشتے مارا دیم ءَ اِنت کہ آئی ءِ بے بھَائیں کارست ءَ وتی ودی بوگ ءِ روچ ءَ بِگر داں گُڈی ساھتاں  وت ءَ سرجم ءُ برجم پہ منگھیں بلوچ راج ءُ بلوچستان ءِ آجوئیں باندات ءَ ندر  کُتگ۔ ھَما روچ ءَ کہ کریمہ ءِ سِنچ ءُ پکرودی بوتگ گڑا آئی ءَ گوں وتی ماتیں گُلزمین ءَ اے کول ءُ کرار کُتگ کہ آ پہ وتی سرڈگارءِ پاھازگ ءُ چہ دژمناں رکّینگ ءَ وتی وشھالیں زندمان ءِ ھَر ساھَت ءِ ببا دیگ ءَ جاڑیگ اِنت ءُ بانُک وتی اے پیسلہ ءِ سرءَ داں گُڈی ساھے دْریکگ ءَ گوں شیرزالی ءَ اوشت اَت بلے چہ وارتگیں ھاک ءِ سوگند ءَ ھِچ وڑءَ پُشت ءُ پَد کِنز نہ ات ءُ نہ بج اَت۔ پوجی آپریشن،  تولگیں دژمن ءِ بیھار، لوگانی سُچَگ، نزّیکیں سنگتانی بیگوائی ءِ چمّ ءِ وت نِدارہ کنَگ ءُ پدا آوانی ژانگولیں جونانی کوپگ دیگ۔اے درستیں نگیگیں جاوَراں تُشے اوں بانُک ءِ توکل ءُ جبزگ ءِ تہ ءَ کمّی نیاؤرت، بلکیں گیش آئی ءِ پکر  مہکم بوت ءُ سِکین بکش اِت کہ آ وتی وشھالیں منزلءِ نیمگ ءَ رھادگ بہ بیت۔ 

سرجمیں نبشتانک ءَ وانگ ءِ ھاتر ءَ پی ڈی ایف ءَ ایر بہ گیج اِت۔