اینن فورمءَ لبزانک ءُ ازمءِ سرءَ ترانے

ماؤزےتنگ/وشین بلوچ

مئے نبشتہ کار ءُ ازمکاراں لبزانکی ءُ ازمی کار است انت کہ کنگی انت، بلئے آھانی بنکی کار ھمیش انت کہ مردمانی تبءَ شریں وڑےءَ آژناگ بہ بنت۔ اے رِدءَ مئے نبشتہ کار ءُ ازمکاراں تنیگت چے کُتگ؟منی دلءَایشانی درور چو ھما بامردانیءَ اِنت کہ آھاں جنگجاھے نیست ءُ آ چہ زمینی راستیاں دور ءُ ناپہمیدگ اَنت۔ چہ زمینی راستیاں دوری ءِ بزانت چے اِنت؟ ایشی ءِ بزانت ایش اِنت کہ مئے لبزانکار ءُ ازمکار مہلوکءَ گوں شریں وڑےءَ آشنا نہ اَنت۔ آ نہ چہ وتی وانوکاں آشنا اَنت ءُ نئیکہ ھما مردماں کہ آھانی ھاتر ءَ نبشتہ کنگ ءَ اَنت۔ مئے نبشتہ کار ءُ ازمی جہدکار چہ لس مردماں سرجم ءَ سستگ ءُ جتا اَنت۔ آ نہ پوریاگر ءُ دہکانکاراں زان اَنت ءُ نئیکہ سپاہی ءُ وتی جندءِ جہدکاراں! منی گور ءَ ناپہمیدگیءِ مانا چے انت؟نا پہمیدگی ءِ بزانت لس زبانءَ چہ ناآشنائی اِنت۔ مئے نبشتہ کار ءُ ازمکار کہ آ زبان ءَ کارمرز کن اَنت، آ شاھزانتانی زبان اِنت، بلئے آھانی وانوک لس مہلوکی زبان ءَ سرپد بنت۔مئے گور ءَ بازیں نبشتہ کار ءُ ازمکار است انت کہ وتءَ را چہ اُلسءَ گستا کن اَنت ءُ ھورک ءُ ھوادگیں زندءِ جہگیریءَ کن اَنت، پمیشکہ ابرمی رنگءَ آھانی زبان مہلوکءِ ھاترءَ ناپہمیدگیں بستارےءِ واھند اِنت۔ھمے رنگءَ آوتی ساچشتی زبانءِ اندرءَ بے تامیں چسکے مان گیج اَنت ءُکدی کدی وَ وتساچیں گالوار ھم کامرز کن اَنت کہ لس زبان ءَ کامرز نہ بنت۔ بازیں سنگت” اُلسی درشانداب“ءِ باروءَ پہ پہر گپ جن اَنت۔ بلئے ایشیءِ گواچنیں مانا چے اِنت؟ ایشیءِ مانا ھمیش انت کہ نبشتہ کار ءُ ازمکارانی پگر ءُ مارشت ءُ پوریاگریں اُلس،دہکانکار ءُ لشکرءِ پگر ءُ مارشت یک بہ بنت۔ اے دابءِ تپاکی یے ءَ سر بوگ ءِ ھاتر ءَ الم اِنت کہ ما لس مہلوکی زبان ءَ ھیل بہ کن ایں۔ تو چون لبزانکی ءُ ازمی ساچشتءِ باروءَ گپ کت کن ئے وھدے کہ تو اُلسی زبانءَ گپ کت مہ کن ئے؟

نبشتانکءِ سرجم وانگ ھاترءَ جہلءِ پی ڈی ایف ءَ پَچ بہ کن اِت۔