بلوچءِ چکچینیءِ دْرچءَ نوکنڈیءِ وئیل

بلوچ راج۔۔۔!
گوستگیں روچءَ نوکنڈی، چاغی ءُ بلوچستانءِ سیمسری دمگءَ بلوچ پوریاگرانی گوما بوتگیں گیر انسانی زلم ءُ ناروائی چہ ھپتاد سالاں برجاھیں گلامیءِ زلم ءُ زوراکیانی یکیں دْرچ انت کہ جتائیں وھداں جتائیں شکلاں بلوچءِ چکچینی کنگ بوگءَ انت۔ گوستگیں روچاں بلوچ سیمسری ہد ءُ بنداں بلوچ پوریاگرانی سرا تیرگواری کنگ ءُ چرائیءَ پد بازیں ڈرائیورانی گاڑیاں ھراب کنگ ءُ آیاں مرگءِ کشکءَ تبدیں ریگستانءَ یلءَ کنگ اے گپ ءَ تچک کنت کہ زورآوریں لشکر گوں ایردست ءُ گلامءَ ھرچ ڈولیں زلم ءُ ناروائی کت کنت۔ چوشکہ دومی نیمگءَ بلوچ مہلوک ھم گہگیریءِ چیدگ جوڑ بوتگ کہ آئیءِ ھمک ناروائیءِ پدا آئیءِ ھلاپءَ جتائیں شکلاں در کئیت۔ گوستگیں روچءِ اے مزنیں وئیلءَ رند بلوچ مہلوک دژمنءِ اے زلمءِ ھلاپ آئیءِ بنجلانی دیمءَ رؤت ءُ آئیءِ ھلاپ زہرشانی کنت کہ چرائیءِ آسرءَ پاکستانی لشکر بلوچ مہلوکءِ سرءَ تیرگواری کنت ءُ بلوچ مہلوک ءَ اے کلوہ ءَ دنت کہ زورگریں پاکستانی لشکر نا شمارا پرایمنیں زہرشانیءِ واکءَ دنت ءُ نئیکہ کار ءُ روزگارءَ پہ ایمنی کل ایت بگندئے شمئے ایردستءِ زندمانءِ ھرچ سر ءُ پرءِ زمہ وار پاکستانی لشکر بیت۔ چہ پاکستانی لشکرءِ نیمگءَ بوتگیں بلوچ مہلوکءِ زہرشانیءَ شانزدہ (16) دگہ بلوچ ٹپی بیت۔
انچوشکہ ما ءُ شما سرپداں کہ گوستگیں ھاس شش یا ھپت سالاں چہ زورگریں لشکرءِ یک پالیسی یے کہ بلوچءَ چرائیءِ کوہ ءُ کوچگ، ھلک ءُ ھنکیناں پہ لڈ ءُ بارءَ لاچار بہ کناںءُ آئیءِ جندءِ ڈیھءَ آئیءِ روزگارءِ راہ ءُ دراں بند بہ کناں، پرے کارءَ آئیءَ جتائیں وھداں بلوچ مہلوکءِ سرءَ جتائیں شکلاں زلم ءُ زوراکی کتگ ءُکنگءَ انت۔مرچی ہزاراں بلوچ مہلوک ئے چہ وتی ھلک ءُ ھنکیناں لڈ ءُ بار ءُ بلوچ سیمسر ءُ دومی کارجاھانی سرءِ روزگارءِ سرءَ بندش ھمے ناروائیانی آسر انت۔ چوشکہ گوستگیں وھداں لشکر ءِ زوراکیانی آماچیں مردم مدام سیاسی ءُ مذاحمتی جہدکار ءُ آزاتیءِ گپ کنوکیں ورنا بوتگ اَنت بلئے مرچی باندا ریاستءَ ھمک بلوچءَرا وتی لشکر کشیءِ آماچ کُتگ۔ گوستگیں ھپتگءَچاغی ءُ دالبندینءَ ھرچی کہ بوتگ اے بلوچ ءِ گلامی ءُ زورگریں لشکر ءِ دژمنیءِ چیدگ اَنت۔ پاکستانی لشکر بلوچءَ را چہ سیاسی ءُ مذاحمتی جہدءِ دور دارگءِ کوشستءَ پد زندگ بوگءِ ہکءَ ھم چرائیءَ پلگ لوٹگءَ اِنت۔

مڑاہداریں بلوچ راج۔۔۔
اے اولی رند نہ اِنت کہ زورگریں لشکرءَ بلوچ مہلوک اے رنگءَ ازاب ءُ جنجالانی آماچ کتگ۔ چریشیءَ پیسر کیچءِ سیمسری دمگاں ھم مارا اے رنگیں بازیں وئیل گندگءَ کاینت۔ چوشکہ بلوچ ڈرائیور ءُ پوریاگرانءَ ھمک روچءِ بنیادءَ گرگ ءُ بے شرپ کنگ، آھاں لٹ ءُ کٹ کنگ ءُ پہ زور کار گِرگ، بلوچ پوریاگرانی ھمک روچی ئیں کسہ انت۔ ھمے رنگءَ ما گندیں کہ گوادرءَ لس مہلوکءَ چہ زر ءِ کار ءُ روزگارءَ زبہر کنگءَ انت۔ لسبیلہ ءَ ھم بلوچ ءِ کاروبار چہ بلوچ ءَ پلگ بوت ءُ لس مہلوک ءِ وتی بنیادی کار چراھاں پچ گرگ ءُ نوکیں لشکری ھمبراہ داراں دیگ بوتگ۔ ءُ نوں کہ سیندک ءُ ریکوڈکءِ نام کہ گرگ بوتگ گڑا چاغیءِ نیمگءَ جہہ منندیں بلوچ ءِ سرا زوراکیءِ درچ دوبر بندات کنگ بوتگ۔ لشکر ءِ میگاپروجیکٹس مدام پہ بلوچ ءَ چکچینی ءِ سوَب جوڑ بوتگ اَنت۔ کوہلوءَ بگر داں ڈیرہ بگٹی ءُ گوادر ءُ چاغی ھر ھند ءُ دمگ ءَ کہ لشکر ءَ میگاپروجیکٹس ءِ سرا کار بندات کُتگ گڑا اودءَ بلوچءِ چکچینی ءُ زوراکی ءِ یک نوکیں درچے بندات کنگ بوتگ۔ بلوچءِ سیاسی آزادیءِ پلگ ءَ رند لشکر بلوچ ءِ معاشی آزاتی ءَ ھم پلگ لوٹ اِیت ءُ آیاں مرگ ءِ آماچ کنگ لوٹ ایت۔ چوشیں روچے نیست کہ بلوچ ءِ بچے آوار جنگ یا شہید کنگ ءُ کشگ ءُ دور دیگ مہ بیت۔بلوچ ءِ بچانی گار ءُ بیگواھی ءَ بگر داں آھانی ھرروچگیں کشت ءُ کوش ءَ بیا اے زلم ءُ زوراکی ھمک روچ بلوچءَ را آئیءِ ایردستیءِ مارشتءَ دینت۔

شرپمندیں بلوچ راج۔۔۔
بلوچستان ءِ تہءَ زورگریں پاکستانی ریاست بلوچ لس مہلوکءَ جتائیں وڑ ءُ پئیماں کُشگءَ انت، برےآئیءِ معاشی راہاں بند کنت، برے آئیءَ سی ٹی ڈیءِ وسیلہءَ جنت ءُ برے چو ھمے نوکنڈیءِ ویل ءِ رنگءَ مہلوکءِ سرا تیرگواری کنت۔ پاکستانی لشکرءَبلوچستان چو جنگلےءَ جوڑ کتگ، ءُ وت اودءَ چو وکشی ئیں جناورانیبلوچستان ءِ تہءَ زورگریں پاکستانی ریاست بلوچ لس مہلوکءَ جتائیں وڑ ءُ پئیماں کُشگءَ انت، برےآئیءِ معاشی راہاں بند کنت، برے آئیءَ سی ٹی ڈیءِ وسیلہءَ جنت ءُ برے چو ھمے نوکنڈیءِ ویل ءِ رنگءَ مہلوکءِ سرا تیرگواری کنت۔ پاکستانی لشکرءَبلوچستان چو جنگلےءَ جوڑ کتگ، ءُ وت اودءَ چو وکشی ئیں جناورانی بستارءَ انت۔ ھر کجا، ھرکس کہ دپءَ کئیت آئیءَ بگر ءُ بہ کش۔۔۔ملک ءُ درملکی انسانی ھکانی دعوادار یں سیاسی ادارہ ءُ ریاستی ھچ کانودانی نیمگءَ نا کہ “توتّے پِر ءُ نئیکہ کِچّے۔”بلوچستانءِ تہءَ اے دابیں وئیل مرچیگیں نہ انت بگندئے زوراکیءِاے درچءَ چہ ھپتاد سالءَ گیش انت کہ برجاہ انت۔اے لشکری زوراکیانی رکگءِ واستا بلوچءَ لوٹ اِیت کہ آجوئی ءِ جہدءَ مہکمیءِ نیمگءَ بہ بارت۔ بلوچ ورنا ءُ ایدگہ مہلوکءَ لوٹ اِیت کہ آزادیءِ راہءِ ھمسپر جوڑ بہ بنت۔ تنا وھدے کہ بلوچ ڈیھ چہ اے کبزہ گیریں استانءَ آزاد نہ بیت ءُ بلوچ وتی سر ڈگارءِ وتواجہ نہ بیت، بلوچءِ بچانی شہید بوگ، کشت ءُ کوش کدی ھم ھلاس نہ بیت، بگندئے ھمک روچ یک نوکیں دروشمے ءَ بلوچ ءِ چکچینی بندات کنگ بیت۔ برے اے زوراکیانی آماچ ڈیرہ بگٹی، کوہلوءِ مردم بنت، برے کیچ ءُ گوادر ءِ مہلوک ءُ برےچاغی ءُ دالبندین دلبندبیت۔۔۔اے درستیں جنجالاں چہ رکگ یا دراھگءِ حل بلوچ ڈیھءِ آجوئی بزانکہ “آزات بلوچستان” انت۔

بلوچ اسٹوڈنس آرگنائیزیشن آذاد