بلوچ مزاحمتی تاریخ

مسیح مالو آن پرتگیزی جلہو کار آتے اسکان

ڈاکٹر جلال بلوچ

بلوچ ڈغار ایران، اوغانستان و ہندوستان نا اخیر آ تالان ءِ و اسہ پارہ غان بحرہ بلوچ ہرا کہ اسہ بھاز متکنو تجارتی کسر اسے، ہرانا ایپار عرب آکو یعنی نن پاننگ کینہ کہ قطب، جاندم، دے ٹک و دے کہی ہر کنڈ آن بروکا و ہنوکا دا خاک انا سیل ءِ کیرہ۔ دا ڈغار نا ہندا اہمیت نا سوب آن او تینا بھلو وخت اس جلہو آتے ٹی گدرا۔ اگہ بلوچ ڈغار و اونا باتی تا ہیت کننگ مرے تو دا (بلوچ آک) جہان نا متکنا تہذیب مہر گڑھ نا وارث آکو۔ دا متکنا تہذیب نا وارث آتے گیشتر وخت تینے و تینا ڈغار ءِ رکھنگ کن اوفتا فطری آ مزاحمت جنگ انا پڑ آ سلفینے۔ بلوچ آتے وختس آرین قبیلہ اتا جلہو نا گواچی مننگ آ خننگ مریک ہرافتا برخلاف اوفک ہفت کرن مزاحمت کریر، وختس ہخامنشی تو وختس یونانی، ساسانی و عرب اتا برخلاف تینا وطن نا رکھنگ اٹ سنگر ہلوک خننگرہ تو وختس منگول، پرتگالی ، مغل، اوغان، انگریز و اینو اسہ ترند بیدس فطری ریاست (پاکستان) نا برخلاف خننگرہ۔ سرحال تو ایہن بھاز مرغن ءِ ولے نن دا نا زی آ بنائی وخت آن ہلیس حمل جیئند نا مزاحمت اسکان چنکو چمشانک اس شاغون۔

نوشتانکءِ پورو خواننگ نا خاطر آن پی ڈی ایفءِ پچ کبو۔