آزات ھیالیں جنگ (Combat Liberalism)

ماؤزتنگ | رجانک: ھالی بلوچ

(ماؤزتنگءِ اے نبشتانک چہ انگریزیءَ بلوچی ترینگءِ مستریں سوب ھمیش انت  کہ پرے زوتاں یک انچیں باوستے  سر کشگءَ انت کہ آ گلءِ لیکہءُ جوڑشتءِ سرجمءَ چپ انت یا بلوچ جنزءِبرھلاپیں لیکہ یے، پرچہ کہ اے وڑیں آزات ھیالیں(Liberal) لیکہ آشوبی گل ءُ جنزانی توکءَ نہ گوستءَ چوشیں کار ءُ کردے بوتگ ئے نئیکہ مروچی چوشیں گنجائشے است انت ،بلّے کہ ماؤزتنگ کیمونسٹ لیکہءِ منوگرءُ مئے لیکہ راجدوستیءِ بنپداں گوں بندوک انت بلئے ما ایشیءَ را وتی لیکہءِ بنیاتءَ چارگءِ جہدءَ بہ کنیں ءُ پہ زانت چوشیں وتگڑیں لیکہانی دیمءَ گوں دلیلءُ منانکءِ گوما اوشتگءِ جہدءَ بہ کنیں۔ امیت انت اے نبشتانک انوگیں وتگڑیں باوستءِ پہمگءِ ھاترءَ باز کمک کنت)

ما عملی جہدءُ جدءِ ھمرائیءِ جنزءَ گوں  دلپہکیءَاوشتاتگ ایں۔چیاکہ اے آشوبی گلانی توکءَ دیمروئی دیگءِ ھاترءَ مہکمیءِ مانزمان لیکگ بیت۔ھر کمیونسٹ ءُ آشوبی جہدکارےءِ واستہ المی انت کہ آتوپگءَ گوں بہ جنز ایت۔بلئے آزات ھیالیں پگرءِ منوک اے آشوبی لیکہءَ را رد کن انت ءُ بے راہبندیں جوڑشتءِ بنیاتءَ ایمنیءِ لوٹوک انت۔پمیشکہ اے لیکہءِ مردم آزات ھیالیءَ را گیش شرتر لیک انت ءُ ربیدگی رہبندءُ جوڑشتانءَ  پروش دیگءِجہدءَ کن انت ءُ آشوبی گلانی تہءَ باسکانی میانءَ سیاسی بد دلے پیداک  کنگءِ جہد ءَکن انت۔

            آزات ھیالیءِ منّءُ مرادءِ بازیں جتائیں تہرءُ بہر انت،اولی تہرءِ آزات ھیال ھما انت کہ وتی سنگتی، ھمکتبی ءُ دمگی مردمےءِ بنیاتءَ  گوں ابیدء منانکءُ دلیلاں   چیزاں ارزانی ءُ ستکءِ چماں چار ایت ،چریشیءَ چہ آسر ھمے در کیت کہ فردءُ گل دوئیں تاوان بار بنت۔

دوئیں تہرءِ آزات  ھیال ھما انت کہ آ وت ماں وتی بے سرءُ پادیں ایرادگریءَ گوں گلائیش بنت بجاہےایش کہ آ وتی نگدءُ باوستاں گلءِ دیمءَ ایر بہ کن انت۔بلئے ایشانی کرءَ چوشیں جرتءُ بہادرے نیست کہ ھمے گپءَ مردمانی دیم پہ دیمءَ  یا گلءِ دیوانءَ ایربہ کن انت پمیشکہ اے  رو انت مردمانی باپشتءَ  سُکسُک کن انت ءُبدگمانی پیداک انت۔چوشکہ اجتماعی رہبندءَ چپ روکیں مردم وتی ذاتی ھیالءُ لیکہءِ بنیادءَ چیزاں چارءُ بیچار کن انت۔

سیمی تہرءِ مردم ھمیش انت کہ وہدے کسےءِ سرءَ آیانی گپ اسرےمہ دار انت گڑا اے وتی رکہینگءِ ھاترءَ پیچءُ تابیں تران ءُ باوستےبنا کن انت۔

چارمی تہرءِ مردم ھما انت کہ آ وتی ذاتی ھیال ءُ لیکہاں گیشتر ارزشت دئینت بلئے گلءِ کارءُ کرد ءُ آئیءِ پالیساں گوں تپاک نہ دار انت۔

پنچمی تہرءِ مردم ھما انت کہ  اے نہ لوٹ انت کہ گلءِ توکءَ گہتری ءُ آئیءِ کارانی توکءَ دیمروئی ءُ مہکمی بئیت بلکیں ایشانی تران ءُ باوست  گیشتر ذاتی کُنّت، بیرگریءُ ایدگہ ذاتی نپ ءُ سیتاں گوں بندوک انت۔

ششمی تہرءِ مردم ھما انت کہ اے ردآشوبی ھیال ءُ لیکہانی اشکنگءَ پد ھم  ھچ وڑیں پسو نہ دئینتءُ ردآشوبی  روشتانی پروش دیگءِ بجاہءَ   انچوش وتءَ را پیش دار انت کہ پورا ھچ نہ بوتگ۔

ھپتمی تہر ءِ مردم لس مہلوک ءِ توک ءَ موجود بوگ ءَ پد ھم وتی سیاسی پروپیگنڈا ءَ چہ پد کنز اَنت ءُ مہلوک ءَ گوں ھچ نزیکی نہ دار اَنت ، انچوش سما بیت کہ اے اجتماعیت ءِ منوگر نہ اَنت۔

ھشتُمی تہر ءِ آزات ھیال ھما انت کہ آ چیزءِ گندگ ءَ پد ھم کہ کسے اجتماعی لوٹانی ھلاپ ءَ کار ءَ اِنت، آئی ءِ دارگ ءِ یا گوں آئی ءَ باوست کنگ ءِ بدل ءَ چیزاں ڈالچار کن اَنت۔

نُوھمی تہر ءِ مردم ھما اَنت کہ ابید ء رہبند ءُ جوڑشتے ءِ پلہ مرزی ءَ دو دِلی ءُ لگوری ءَ گوں کار کن اَنت۔   ایشی ءِ مسال چو ھما بتل ئیگءَ انت کہ “ھر کس بہ جنت مَلّو ءَ ، کہ ملو مالء ھُدا اِنت”

آزات ھیالی ءِ پلہ مرزیں  دہمی تہر ءِ مردم ھما اَنت کہ آوتءَ را انچوش پیش دار انت کہ آشوبیءِ دلءُ میھ ایوکءَ ھما انت، ءُ پہ جزم گوش انت کہ ما جہدءَ پہ کربان بوتگ ایںءُ پہر بند انت کہ جنگءِ باج بریں ءُ زانتکاریں تبکءَ ما ایں ءُ ایش ھما انت کہ گونڈویں کارءُ کردےءِ پچء دیم نہ انت   نئیکہ مزنیں کارے گوں ایشاں بوت کت کنت۔اے ھما مردم انت نہ کارے  کت کن انت نئیکہ ایشانی توکءَ وانگی سنچ ءُ بودے است۔

یازدہمی تہرءِ منوگر ھما انت کہ وتی جندءِ جیڑہءَ را گیشوار کت نہ کن انتءُ وتی جندءِ ائیبءُ ردیاں آزاتی ھیالیءِ بنیاتءَ ڈالچار کن انت۔

آزات ھیالی اجتماعی آشوبیءَ پہ سکیں تاوان بارے لیکہ یے، کہ  اے یکمشتیءَ را  شنگ  شانگ کنگءِ جہدءَ کنت چریشیءَ چہ مردمانی توکءَ  وتی ماں وتی جنگ ءُ بیگانگی ودی بیت۔اے پہ آشوبی گلءِ یکجاہی ءُ آئیءِ راہبندءَ پہ تاوانa بار انت۔اے انچیں روشتے ودی کنت کہ مہلوکءُ آشوبی گلءِ میانءَ دوری پیداک بیت کہ اے دوری آشوبی گلاں پہ بدیں پالے۔آزات ھیال وتی ذاتی نپءُ سیتاں گیشتر ارزشت دئینتءُ گل ءُ اجمتاعیت پرائیءَ پہ  کمتریں کارءُ کردے۔چریشیءَ چہ آزاتی ھیالی سیاسی، لیکہی ءُ تنظیمی  ٹولی یے ءِ رنگءَ وتی سرءُ شاہءَ  کشّ ایت۔

ھما مردم کہ آزات ھیالیءِ منوگر انت آیانی ھیال ایش انت کہ مارکسی لیکہ یک مانگیش اتگیں ستکے۔چوشکہ اے مردم مارکسی لیکہءَ وَ منّ انت بلئے  کارءُ کردءِ باریگءَ پدکنز  انت ، آ دگہ ھسابءَ  مارکسزم ءِ منوک اَنت بلئے وت آزات ھیالی ءِ بنیات ءَ کار کن اَنت۔ آ مارکسی لیکہءِ ھاترءَ آزاتی ھیالیءَ را یل دات نہ کن اَنت بلئے یکیں وہدءَ دوئینانی منوگر انت، گپءَ مارکسزمءِ کن انت بلئے آیانی کارءُ کرد آزات ھیالی لیکہءَ گوں بندوک انت۔بزانکہ اے وڑیں مردم ھپت لوگی پیشّو انت۔

آزات ھیالی  موقع پرستی ءِجوانتریں شکلے  کہ مارکسزم ءِ بگیر ءَ اوشت اِیت، اے وتی کار رہبند ءِ تہ ءَ دژمن ءِ ھاتر ءَ سیتمند انت پمشکہ دژمن ایشیءَ را  گیشتر کاربند ایت، آزات ھیالی پہ آشوبی جُنزاں تاوان بار اِنت۔ پمے ھاتر ءَ مارا باید اِنت کہ مارکسزم ءَ اے رنگیں روشتانی دیم ءَ دارگ ءِ ھاتر ءَ کارمرز بہ کنیں۔ یک کمیونسٹے ءِ واستہ الّم اِنت کہ آئی ءَ را اے ھیال گور بہ بیت کہ آ چہ وتی ذاتی نپ ءُ سیتّانی بدل ءَ آشوب ءَ گیشتر ارزشت بہ دنت، یک آشوبی جہدکار ے ءَھر وھد ءَ اے رنگیں رَدیں ھیالانی ھلاپ ءَ  اوشتگی اِنت ءُ گل ءُ مہلوک ءِ میان ءَ یکمُشتی ءِ مہکم کنگ ءِ ھاتر ءَ کار کنگی اِنتءُ یک آشوبی  جہدکارےءِ ھاتر ءَ المی اِنت کہ آ یک مردمے ءِ جاگہءَ گَل ءُ مہلوک ءِ نپ ءَ  گیش ارزشت بہ دنت، گُڑا آ فرد کمیونسٹے لیکگ بیت۔ مئے لیکہی پرنٹء، یک  مستریں کارے ھمیش اِنت کہ اے وڑیں رَدیں ھیالانی ھلاپ ءَ بہ اوشت اِیں ءُ  پرچہ کہ  مہکمیں ءُ ایمانداریں آشوبی جہدکارےءِ مستریں  چیدگ ءُ نشانی ھمیش انت۔