8 جون: گُمنامیں بلوچ پُسگانی دلیری ءَ گوں زِندان ءَ گھگیری کنگ ءِ روچ

زرّین بلوچ

کماش بی ایس او آزاد

وہدے 8 جون نزیک تر بوان بیت گڑا مُچانکی یات، باتن ءِ مارشت، مچانکی درد، گلامیءِ تورشتاں ھوار بے شماریں تہکُشیں یات کاینت کہ ہزاراں جہدکاراں پہ زِند گوازینگ ءَ ہزار راہ بیتگ بلے آواں وتی زندءِ سرجمیں وشی پہ سرڈگار ندر کتگاَنت ءُ وتی زند پہ راجی مکسدءَ کربان کتگ اَنت۔ اشیءَ ابید راجی جہد ءُ مکسدءَ تھنا پہ مہم جوئی ناں بلکیں مجتیجہدکارےءِ بستارءَ روچ ءُ شپ داتگ ءُ انگت داں دیگءَ اَنت۔ ہمے یکیں کِشک اِنت، کہ اودءَ دگہ لُکیں راہ نیست، آہمے راہءَ آ ھچبر پد کنز نہ بوتگ اَنت۔ اسلءَ ہمے پشت نہ کنزوکیں مردم راجمانءِ ھکیگیں بامرد ءُ شیرزالاں ھوار بلوچراجمانءِ مسالی کارست اَنت کہ آواں بلوچ راج وتی شہیدانی سرپءَ یکجاہ یات کنت۔

8 جون بیگوائیں بلوچ پُسگانی روچءِ درگتءَ کمبر جانءِ کرد گیرآرگ کرزیت کہ آ استانءَ بیھار دنت ءُ گوش ایت”مادژمنءَ باور کنائین ایں کہ بلوچ ساہ دات کنت بلے زمینءِ مہر ءُ پگرءَ گوں چپ بوت نہ کنت ءُ یک گامے ہم پشت نہکنزیت۔” کمبر جان ہمے پگری فلسفہءَ گوں دژمنءِ دیمءَ چو کوہءَ مِک بیت ءُ دژمنءِ چمانی دیمءَ بلوچ جہدءِ جھگیریکنت۔ کمبر جان وتی چاگرد ءُ سیاسی مجلسانی میانءَ ٹاپار نہ جنت بلکیں آ عملی بنیادءَ دژمنءِ ٹارچر سیلاں پیش داریت کہآ چنچو مہکم اِنت۔ آ زندانءِ اذیت ناکیں چاگردءِ مٹینگ، سیاسی بندیگاں توکل دیگ، دژمنءَ گوں ہمود ءَ جنگ کنگ ءُزندانءِ ٹارچرانی میانءَ چہ وتی راجی مکسدءَ پشت نہ کنزگءِ بُنکی درس اَنت۔ چہ اشیءَ بلوچ جہدکاراں ہمے سکین ءُزانت رسیت کہ دژمنءَ تھنا کوہ ءُ شھراں جنگ دیگی نہ اِنت بلکیں ہمک سنگر ءَ آئیءَ گوں دلیریءَ جنگ کنگی اِنت۔اے جنگ اگاں مارا ٹارچر سیلانی تہءَ دیگی کپت گڑا اودءَ ھم مارا دژمنءَ گوں جنگ کنگی اِیں۔ اے ہما فلسفہ اِنت کہبلوچ راج مرچی مرگ ءُ زند ءِ نیامیں اوشتنءَ ھوار جہدءَ گوں مہکمیءَ بندوک اِنت ءُ یکشلءَ وتی ھید ءُ ھوناں پہ نوکیںجوڑشتےءِ سازگءَ مشگول اِنت۔ ہما نوکیں ءُ آشوبی ئیں جوڑشت کہ آ زورگیرءِ پرسودگیں نظامءَ چہ بالاتر اِنت، آجوڑشت یک زمہ واریں ءُ ایمانداریں انسانانی مانزمان انت۔ آ جوڑشت ایمنی ءُ وشھالیں زندءِ جھگیر اِنت۔ آ جوڑشتبرابری ءُ ھکءِ آمود اِنت۔ آ جوڑشت رژناپگری ءُ انسانی گھبودیءِ برورد اِنت ءُ درستاں گیش آ جوڑشت کلیں انسانانیھستمان ءُ وجودءَ گوں بندوک اِنت۔ پرچا کہ ہمے آشوبی جوڑشت اِنت کہ آ نہ تھنا ایردستءَ انسانےءِ کالبءَ رَجینایت بلکیں وتی ہمبرائیءَ کلیں آلمءَ ہم مسالی زندے بکشائیت۔

نوں اگاں ہمے مردماں دژمنءِ ناروائی، جنگ ءُ کشگءَ پہ وت ترسےءِ چیدگ جوڑ بہ کتیں گڑا مروچی یک نزوریں پدریچےمئے دیمءَ بوتگ اَت۔ انچوشکہ جولیس فیوچک وتی کتاب”زندانءِ سرگوست “ءِ تہءَ گشیت ”ھما مردماں کدی ہم بیھالمہ کن اِت کہ آواں مئے ءُ شمے زندءَ پہ وتی جان ندر کتگ۔” 8 جون ہم ہمے روچءِ درگت ءَ مارا سکین دنت کہ مئےشہید ءُ زور آوار جتگیں پسگاں پہ گلزمینءَ وتی جند ندر کتگ، دانکہ مئے راج گلامیءِ زنگی ئیں سانکلاں چہ در بیا اَنت ءُوشھالیں زندے بہ گوازین انت۔ بلوچ پرزندءِ گوں دلیری ءُ بہادریءَ گمنامیءِ یک فلسفہ یے ہمیش اِنت کہ ما آوانیبابتءَ کتاب وان ایں، ہما جہدکارانی سرءَ سرکل جنیں ءُ وتی سیاسی تراناں ہمایانی کردءَ ساڑا ایں کہ آ مرچی گمنامیءِفلسفہءَ گوں سالاں سال ٹارچر سیلانی تہءَ بندیگ اِنت بلے انگتءَ داں وتی لیکہءَ گوں وپادار اَنت۔

ہمے دابءَ بلوچ راج سینزدہ نومبرءَ شہیدانی سرءَ پہر بندیت ءُ وتی نمیرانیں پرزنداں یات کنت، وتی مردماں جھدءَ گوںھوار بوگ ءُ کربانی دیگءِ سکینءَ دنت۔ گڑا ہمے رنگءَ مارا 8 جونءِ نامینتگیں روچءِ ارزشت زانگی انت کہ دژمن ءِزلم ءُ زوراکی، مچانکی سزاءِ دیم چوں باتیلءَ مہکم دارگی اِنت، وتی ساہءِ دیگءَ ھوار ہمے کلوہ دیگی ایں کہ بلوچ چہ وتیمکسدءَ بیھ چپ شت نہ کنت۔ ہما جہدکار بیگوائی ءُ گمنامیءَ گوں زند گوازینگءَ اَنت بلے مروچی راجدپترءِ تاکاں سہریںلبزاں نویسگ بوگءَ اَنت۔

استانءِ گار ءُ بیگوائیءِ مستریں مسکد ہمیش انت کہ بلوچ راجمانءِ پگری بودناکیاں چہ بُن ءَ ولگوج بہ کنت انچوشکہ بابا ھیربکشءِ نزیکیں سنگتے گشیت وھدے مری تمنءِ مردماں اِستان بیگواہ کنگءَ بندات کنت گڑا زورگیر ہمے مری تمنءَ کلوہدنت کہ شما بابا ھیر بکشءِ کرءَ بہ رو ات ءُ آئیءَ را گوں سرکارءَ مردمانی لوٹ کنگ ءَ بہ پرما اِت۔ بلے بابا دانائیںرہشونے بیت ءُ آ ہمے دمانءَ سما کنت کہ دژمن گھگیری ءِ فلسفہءَ نزور کنگ لوٹگءَ اِنت۔ وہدے بابا زورگیریںدژمنءِ کرءَ لوٹ نہ کنت گڑا استان ہمے گشیت”بچار شما پہ سردارءَ کربانی دیگءَ اِت بلے آ پہ شما یک کارے ہم کتکنگءَ نہ انت۔” اِستان ءِ جند چہ بنیادءَ گار ءُ بیگواہی ءِ کیسءَ متنازعہ کنگءَ انت ءُ انچیں چاگردے جوڑ کنگءَ انتدانکہ آ گھگیری ءِ فلسفہءَ نزور کت بہ کنت۔

انچوشکہ بابا تالپور گشیت کہ بلوچ جہدکار بیگواہ کنگ بوتگ انت ءُ پہ بلوچ جہدکاراں توار چست کنگ جوانیں عملے بلے مارازانگی ایں کہ مردم پرچا بیگواہ بوگءَ انت؟ ہمے عملءِ جندءِ پلہ مرزیءَ بہ کنیں ءُ آزاتیءِ عملءِ بہر بہ بیں گڑا زانت کنیں کہپرچا مردم گار ءُ بیگواہ بنت۔ بلے انوگیں وھدءَ اِستان ءَ بیگواہی سرجمءَ یک کاروبارے جوڑ کتگ۔ مرچی ہمے دابءَزورگیریں پاکستانءِ سرکارءَ گوں زورانسری گار ءُ بیگواہیں مردمانی کھولاں چہ زر زیرگ، ساز ءُ سامان لوٹگ، دروگیں تسلہدیگ ءِ رِپک زُرتگ۔ ہمے ھساب ءَ دُژمن پارلیمانی مردمانی وسیلہ ءَ مردمانی گور ءَ اوٹ پِنڈگ ءَ روت ءُ مہلوک ءَدروگیں تسلہ دنت کہ اوٹ دیگ ءَ پد آہانی مردم آجو کنگ بنت یا دومی نیمگ ءَ ھندی میر ءُ متبر ءُ قبائلی مردمانی وسیلہ ءَمہلوک ءَ دروگیں تسلہ دیگ بیت کہ مہلوک وتی دوستگینانی رجسٹریشن ءَ مہ کن اَنت ءُ رسانکدر ءَ شِنگ مہ کن اَنت۔چہ اے رِپکاں بلوچ مہلوکءَ مروچی لاچاریءَ کورچارتءَ سر کنگ بوتگ۔ ہمے عملانی سوبءَ رسانکدرءَ راستیں مسکدءِسر نہ بوگءَ چہ بازیں کیس چیر تر اِتگ۔ ہما زالبول گار ءُ بیگواہ کنگ بوگءَ اَنت، اشانی تہءَ لہتیں کس ماں رسانکدرءَدیمءَ آرگ بوتگ اَنت بلے انگتءَ مزنیں کیسے دژمنءِ پندلانی سوبءَ چہ گار اِنت۔ پرچا کہ دژمن ءُ آئیءِ چانوگریں بلوچدروگیں تسلہءِ سوبءَ بلوچءِ بیانیہ نزور کنگءِ پندل بوگءَ اِنت۔

اے روچ گلامیءِ زندءَ آجوئی سھبءِ چیدگ اِنت کہ استان بلوچےءَ را یک تیرےءَ گوں شہید کت کنت بلے آ سنگتسناء ءَ 32 تیر جنت دانکہ اے پدکرد آئیءِ سنگتاں پہ عبرتءِ نشانے بہ بیت ءُ مردمانی دلاں ترسے ودی بہ بیت۔ بلےمروچی بلوچ جہدکار ہمے ھدءَ وتی پِگر ءُ مکسدءَ گوں وپا کتگ کہ مرگءِ جند ہم پشومان بیت پرچا کہ آواں وتی ساہ انچوشندر کتگ ءُ جھدءَ را یک نوکیں نامے بکشاتگ کہ اے پہ ما رُژنائیں کِشک اَنت۔ اے جھد زنداناں بندیگیں جھدکارانیوسیلہءَ بہ بیت یا کہ سیاسی ءُ جنگی پڑءَ گوں بندوکیں جھدکارانی۔

8 جون بلوچ راجی جھدءَ گوں وپا کنگءِ روچ اِنت، پرچا کہ اے روچءَ جہدکاراں ہمے سما کتگ کہ ما انچیں راہے گچینکتگ کہ جنگ بوت کنیں، برگ بوت کنیں بلے انگتءَ ہمے شھر ءُ کوچگاں دژمنءِ بنجلانی دیمءَ اوشتاتگءَ جاڑی ایں ءُوتی توار ءَ چست کنیں؛ وتی مھلوکءَ گلامیءِ بابتءَ آژنا کنائین ایں۔ ہما جہدکار کہ گمنامیءَ گوں زند گوازینگءَ اِنت گڑابوت کنت اے گوستانک ہم نویسگ نہ بیت۔ باز وھداں گشگ بیت کہ بلوچ نمائشی اَنت، وتی چیزاں پیش دار انت یاپلاں روشت ھست انت بلے مارا چہ وتی جِند ءَ جست کنگی ایں کہ ہما مردماں وتی ساہ ندر کتگ انت ءُ کربانی دیگ ءَانت، گمنامیءَ گوں زند گوازینگءَ انت، ٹارچر سیلاں دژمنءِ اذیتاں اوپار کنگءَ انت، ایٹمی تاکتءِ دیمءَ مہکمی ءَاوشتاتگ اَنت، زندانءَ ھم وتی راجی مکسدءَ چہ پشت کنزگءَ نہ اَنت گڑا آواناں نمائشی ءُ مہم جوئی ءِ نام چون دیگبوت کنت؟ باز مردمانی ھیال ہمیش اِنت بلوچانی گورءَ گمنامیءِ لیکہ نیست اِنت، بلوچ جھدکار تھنا جذباتی اوگام جن اَنت،وتی پیشدارگءِ شُدیک اَنت، ہرچ چیزے پہ نام ءُ نمود کن اَنت گڑا آواں چہ جست ہمیش اِنت اینچو سیاسی جھدکارمروچی دژمنءِ زنداناں بندیگ اَنت، ٹارچر اوپار کنگءَ اَنت ءُ چہ وتی راجی مکسد ءَ دمانے ھم پد کنزگءَ نہ اَنت، مروچیآواں بہ گندئے کس نہ زانت کہ آ چوں دژمنءَ گوں زندانانی تہءَ جنگ کنگءَ انت گڑا چد ءُ مستریں گمنامیءِ فلسفہ چی بہبیت؟

8 جون ھما گمنامیءِ فلسفہءِ نہ تھنا چیدگےءِ بستارءَ زانگ بیت بلکیں اے زورانسری آوارجنیءِ روچ پہ دژمنءَ یکانچیں سنگرے کہ مئے جھدکار گوں زورگیرءَ ھمائیءِ زنداناں جنگ دیگءَ اَنت۔ پمیشکہ اے روچ زاہد بلوچ، شبیر جان،اسد جان ءُ زاکر جان ءَ ہوار ہزاراں گمنامیں پسگاں ندر انت کہ آوانی گورءَ واتر بوگ ءِ ہزاراں راہ بوتگ اَنت بلے آوانیزمینءَ گوں مخلصی اِنت کہ مروچی سالانی سال زندانی انت بلے وتی سر اِش جہل کنگءَ جاڑیگ نہ اَنت۔ مروچی مئے سربرز انت۔ مروچی ہما جہدکاراں وتی ساہ داتگ یا پہ زمینءِ آزاتیءَ زندانی انت۔ نوں ما انسانی سپتءِ نگاہءَ بہ جیڑ ایں گڑازانت کنیں کہ زورانسری آوار جتگیں جھدکاراں پہ بلوچءَ چنکس مہر اِنت۔ ہزاراں بلوچ جھدکار اینکس تشددءَ پد ہم وتءَمہکم داشتگ۔ اے روچ ہمے اھد ءُ پیمان اِنت کہ ما پہ بلوچ سرڈگارءَ دژمنءِ زنداناں ھم جنگ دیگءَ جاڑی ایں۔

زورانسری آوار جتگیں شبیر جان گشیت کہ زوراکیں اِستان ءَ ہچ ھک نیست انت کہ منی زندءَ پچ پہ گپت۔ مرچی دہ سالاِنت کہ شبیر جان دژمنءِ زندانءَ اَنت بلے آئیءَ دژمنءَ را انگتءَ اے ھک نہ داتگ کہ آئیءِ مکسدءَ پُل ات بہ کنت۔بوت کنت کہ جسدی دروشمءَ شبیر جان ئِے بندیگ کتگ بلے چوشیں سانکلے نیست اِنت کہ آئیءِ مکسدءَ بندیگ کُت بہکنت۔