ناجائز ریاست پاکستان ءِ برطانیہ نا کنڈان جوڑ کننگ اصل ئٹ اونا بھلو ردی ئسے

پمفلٹ

جہان نا اُلس!

نمے کل ءِ دا سما مرے کہ جہان نا ارٹمیکو جنگ آن پد برطانیہ تینا کوزہ کروکا علاقہ غاتیان مَنٹ اس آجو کرے۔ دنکہ 11 اگست آ بلوچستان نا آجوئی نا پڑو ءِ کرے، 12 اگست آ نیپال نا آجوئی نا پڑو ءِ کرے۔ اندن 14 اگست آ ناجائز ریاست پاکستان نا پن آ تینا مفاد آتا رکھنگ کن پاکستان پنی ءُ ریاست اس جوڑ کرے اونا آجوئی نا پڑو ءِ کرے۔ اندن 15 اگست آ انڈیا نا آجوئی نا پڑو ءِ کرے۔ برطانیہ نا دا بھلا ردی مس کہ پاکستان کون آ ریاست ءِ انتکن جوڑ کرے یقیناً اونا مفاد آک ئسر۔ دنکہ بابا خیر بخش مری تینا انٹرویو ٹی راج آتا نفسیات نا زی آ پاہک کہ ہر راج ئنا جتا ءُ نفسیات اس مریک دنکہ مزاحمت بلوچ راج ئنا نفسیات ئٹ اوار ءِ۔ اندن گپ ءِ مونا درسا پاہک کہ غلامی پنجابی راج ئنا نفسیات ئٹ اوار ءِ اندا گڑا ءِ برطانیہ سما کرے و وا چائس کہ دا خطہ ئٹ برطانیہ نا غلامی ءِ و اونا مفاد آتے پورو کروکا بیرہ پنجابی راج ءِ۔ ہرا دے آ ناجائز ریاست پاکستان نا بنیات شاغنگا ہمودے آن مخلوق و ایلو جہان ءِ مذہبی حوالہ ئٹ ناجائز ریاست پاکستان ریفنگ ءِ۔ اسلام نا پِن آ مخلوق ءِ زہنی غلام جوڑ کننگ ءِ، اسلام نا پن آ مخلوق ءِ بے وقوف کننگ، اسلام نا پن آ سیاست کننگ ءِ، اسلام نا پن آ جنگ کننگ ءِ، اسلام نا پن آ دنیا ءِ ریفنگ ءِ، مذہبی کارڈ تینا مخلوق و جہان ءِ نشان تننگ ءِ کہ بلوچستان تون جنگ کننگ اُٹ، اسلام نا پن آ مخلوق و دنیا ءِ پاننگ ءِ انڈیا تون مذہبی جنگ کننگ اُٹ، مذہب نا پن آ تیوہ اوغانستان اٹ خاخر شاغا۔ اندن اینو اسکان بلوچستان ئٹ بلوچ نا زنک ایسری ءِ کننگ ءِ اندن ایلو اوغان، سندھی ، کشمیری تا زنک ایسری ءِ کننگ ءِ۔

جہان نا سیاسی ادارہ غاک!

ہرادے آن ناجائز ریاست پاکستان ءِ جوڑ کننگا۔ ہمودے آن دا ناجائز آ ریاست تینا ظُلم و زوارکی تا بنا ءِ کرے اندن 27 مارچ 1948 ئٹ بلوچستان آ زوراکی ئٹ کوزہ  کرے و اینو اسکان کوزہ ءِ بلوچستان نا زی آ۔ اینو اسکان ہڑدے بلوچ قوم نا زنک ایسری ءِ کننگ ءِ۔ جہان ئٹی قانودی ردئٹ دا گڑانا کسس ءِ اختیار اف کہ او اسہ آزات ءُ ریاست ئسے کوزہ کے۔ ولے ناجائز پاکستان اینو ہم بلوچستان نا زی آ کوزہ کرینے توسنے۔ اینو جہان نا ہچ وڑو سیاسی ادارہ اس ناجائز ریاست پاکستان ءِ جوابدہ کتنے، اوڑان دا ہرفتنے کہ نی ہرا بنیات آ اینو بلوچستان آ کوزہ کرینس۔ گڑا دا تیوہ جہان نا سیاسی ادارہ غاتا زی آ سوالیہ نشان ئسے ہرا دعویٰ کیرہ نن بندغی حق آتا رکھوک آک اُن ولے اینو ہراڑے ءُ؟

دا کلہو تیوہ جہان نا سیاسی  ادارہ و مخلوق کن ءِ کہ او ناجائز ریاست پاکستان ءِ بلوچستان آن کشنگ کن بلوچ قوم نا کمک ءِ کیر، بلوچ قوم نا توار مریر۔ ایلو کلہو تیوہ جہان کن دادے کہ بلوچ اینو ہر وڑ ئٹ سلوک ءِ تینا جنگ ءِ کننگ ءِ۔ مونا ہم اندن بلوچ قوم نا جنگ ناجائز ریاست پاکستان نا برخلاف برجا مرو۔ اینو تیوہ جہان کن دا کلہو ءِ کہ بلوچ نا موکل آن بیدس ہرکس ہم بلوچ نا لٹ و پل کن بلوچستان آ بننگ نا کوشست ءِ کرے گڑا داڑے تینکن جاگہ خنپررو ءِ۔ بقول راجی راہشون شہید جنرل استاد اسلم بلوچ کہ بلوچستان ئٹ بلوچ نا منشا آن بیدس کسس داڑے کاریم کپرو ہرکس کرے گڑا او دَک خنو۔ اندن بلوچستان ئٹ چین بس پارے داڑے سرمایہ کاری کیوہ کاریم کیوہ ولے اوڑا کیہی جلہو آک مسر و مننگ ءُ دنکہ 11 اگست 2018 دالبندین ئٹ شہید ریحان جان چینی تیا فدائی کرے۔ پدا چینی کونسلیٹ آ شہید ازل، رئیس، رازق چینی تیان فدائی کریر۔ او اوفتے اندا کلہو ءِ ایترہ کہ بلوچستان ئٹ بلوچ نا منشا غان بیدس کسس داڑے کاریم کننگ کپک۔

بلوچستان نا اُلس !

بلوچستان نا اُلس اینو ہرا وڑ نم غلامی نا زمزیر تیٹ تفوک اُرے مونا ہم اندن مرورے اگہ نم اینو دا ناجائز آ ریاست نا برخلاف بش متورے۔ گیشتر تینا مخلوق ءِ گوہورے۔ دا ناجائز آ ریاست بلوچستان نا آجوئی آن پد جوڑ کننگانے ولے او بریک ننا ڈیہہ ئٹ بلوچ ءِ مسلمان نا پن ئٹ ریفک و کوزہ ءِ تینا برجا تخک۔ بلوچ ءِ کل آن گیشتر مذہبی حوالہ اٹ ریفک اینو اسکان اندن دا مذہبی کارڈ نا پن آ بلوچ ءِ رد تسنے۔ کل آن مُست بلوچ قوم ءِ دا گڑا ءِ پہہ مروئی ءِ کہ آیا مذہب ءِ نی جوان چاسہ یا ناجائز پاکستان نا کوزہ گیر آ بندغ آک۔ یخین ئٹ بلوچ جوان وڑئٹ چاہک گڑا او ہرا بنیاد آ بریک کنے مسلمان کیک۔

بلوچستان نا اُلس نمے دا ناجائز آ ریاست پاکستان بھاز آ جاگہ آ رد تسنے۔  اوٹی پوسکنو اسلام اس ہتنگ ہرادے پاکستان جوڑ کرینے، بلوچ کن قبائلی و سیاسی ویل آتے جوڑ کننگ ہراٹی بلوچ اینو اسکان تین پہ تین اڑینگوک ءُ، عزت و ننگ ءِ پین وڑ اسیٹی درشان کننگ و بلوچ نا مونا ہتنگ، کل آن بھلا کاریم تیٹی بلوچ زالبول آتے اسہ چنکو جہان اسیٹی عزت و ننگ ئنا پن آ قید و بند کننگ ہرا کنا بلوچ راج ئنا نیمہ آباتی ءِ۔ پین کیہی وڑ و چم تے کرینے۔ تانکہ بلوچ قوم ءِ بلوچستان نا آجوئی نا تحریک آن مُر کیو و تینا کوزہ ءِ برجا تخو۔

ناجائز ریاست پاکستان ئٹ ایلو رد کنوکا راج آک!

سندھی، کشمیری، و اوغان راج آتے ہم تینا بروکا نسل نا سوچ ءِ خلوئی تمک اینو اوفک ہم اندا نا دُو تیان خوار و بے شرف مننگ ءُ۔  کل آن مُست سندھی راج ءِ ہم تینا آجوئی نا تحریک ءِ مونا دروئی تمک انتئے کہ سندھی راج نا ہم زہنی حوالہ ئٹ نسل کشی مننگ ءِ۔ اوفتے ہم ہڑدے نا ردئٹ اندا ویل آک تیوہ پلویڑ ئٹ ہلنگ ءُ گڑا سندھی تے ہم تینا آجوئی نا جہد ءِ مونا دروئی ءِ اندن اوغان و کشمیری تون ہم مننگ ءِ۔ گڑا کل راج آتے تینا سوچ ءِ خلوئی تمک کہ تینے امر دا ناجائز آ ریاست آن کشن۔ بلوچستان تون اوار اوار ہر قوم ءِ تینا آجوئی نا امید ءِ مونا دروئی تمک کہ دا ناجائز آ ریاست آن تینے امر کشن و تینا مزاحمت ءِ برجا تخن۔